Kaliforniya ştatı. Maşının pəncərəsindən kənarda toranlaşma artırdı, gecə yaxınlaşırdı. Mən yoldaşlarımdan harada gecələyəcəyimiz barədə soruşdum.

Cavab - Slab City.

"Slab City? Bu nədir?" - deyə soruşdum.

"Haha, xoşuna gələcək. Bu, ABŞ-da qanunların olmadığı yeganə şəhərdir və polis bu şəhərə gəlməyi lazım bilmir."

"Əla," - deyə düşündüm, bütün duaları xatırlayaraq, çünki başqa çarə yox idi. Marşrutdan yayınmamaq qərarına gəldik, çünki artıq qrafikdən geri qalırdıq.

Şəhərə yaxınlaşanda maşın attraksiondakı kimi silkələnməyə başladı. Bütün Amerikanı bürüyən o hamar yollardan əsər-əlamət qalmamışdı.

Şəhərin girişinə çatanda gördük ki, yol yuyulub. Nə gözləyəcəyimizi bilmədiyimiz bir yerdə ilişib qalmağın başımıza gələ biləcək ən pis şey olduğuna qərar verərək, uşaqlar maşını geri çəkdilər, məni içəridə kilidlədilər, özləri isə çöldə çadırda gecələdilər.