• Sorry, we don't hire...
• Sorry, but we are full-stuffed...
• Sorry, we can't help you ...

Vaxt uzanır və sıxır. Biz dünən gəlmişik, amma elə bil bir əsr keçib, bu müddət ərzində nə iş, nə də ev tapa bilmişik.

NY ona görə gözəl idi ki, gəzmək, boş-boş dayanmaq, yatmaq, yemək, baxmaq, şəkil çəkdirmək, qəhvə içmək və hosteldə keçən hər artıq günün $50 + yemək + ictimai nəqliyyat xərclərinə başa gəlməsi barədə heç narahat olmamaq olardı. Bizim konkret tarixə təyyarə biletimiz və çoxlu boş vaxtımız var idi. Burada isə hər şey başqadır.

San Dieqo Nyu-Yorka heç bənzəmir. Burada xurma ağacları bitir və günəş parlayır, amma külək əsir və heç də isti deyil. Burada demək olar ki, göydələnlər yoxdur, Ocean Beach rayonunda isə evlər ümumiyyətlə ikimərtəbəlidir. Ocean Beach-də serfinq mağazaları və çimərlikdəki əzələli oğlanların sayı Harlem-dəki bərbərxanalar və qaradərililərin sayı qədərdir. Burada gözlərim daim "rent" və "lease" yazılarına sataşır...