2014-cü il yayım ən maraqlı və ibrətamiz yayım oldu. Hesab edirəm ki, bu proqramın iştirakçıları siyahısına düşdüyüm üçün çox şanslıyam. Amerikaya gələndə hələ də orada olduğuma inana və dərk edə bilmirdim, özümə gəlməyim üçün uzun vaxt lazım oldu. Məhz bu ölkəyə getmək mənim çoxdankı arzum idi. Proqram hər bir tələbəyə öz arzusunu reallaşdırmaq və sözün əsl mənasında hər sahədə böyük təcrübə toplamaq imkanı verir: ingilis dilində danışıq qabiliyyətini təkmilləşdirmək, xidmət sahəsində işləmək, üstəlik başqa ölkədə, çünki orada hər şey fərqlidir, işləmək nəsə daha maraqlı və əyləncəlidir. Müxtəlif ölkələrdən olan tələbələrlə ünsiyyət quraraq onların adət-ənənələri, mədəniyyəti haqqında məlumat əldə edir, yeni dostlar qazanırsan. Başqa ölkəyə tamamilə tək gəldikdə, müxtəlif vəziyyətlərdən çıxış yolu tapmağa çalışırsan, çünki bilirsən ki, yanında valideynlərin və yaxınların yoxdur; bütün qərarları özün qəbul edirsən, hər şeyi ən xırda detallarına qədər düşünürsən. Sən müstəqil yaşamağı, öz qayğına qalmağı, belə desək, "sağ qalmağı" öyrənirsən və bu səni müstəqil və məsuliyyətli bir insan edir. Bütün bunlar həyatındakı yaxşı bir təcrübədir.