Oktyabr 2015-ci il.

Mən adi ikinci kurs tələbəsi idim. Bufetə bulkalar üçün qaçır, dərsləri buraxırdım. Sessiyaya qədər hər şeyi boş verirdim, həmişə yuxulu olurdum, həmişə ən asan yolu seçməyə çalışırdım.

Amma bir gün hər şey dəyişdi. Elə bir hisslə oyandım ki, sanki kainatın sirləri mənə açılmışdı. Yuxum beynimə aydın şəkildə həkk olunmuşdu: məni ABŞ-a qonaq dəvət etmişdilər. Orada hər şey çox əla idi! Və bu sadəcə bir yuxu olsa da, mənə o qədər xoş gəldi ki, nəyin bahasına olursa-olsun Amerikaya getmək fikri ilə alışıb-yandım. Mən hər hansı bir yolla ora uçmalı, müqayisə etməli və hiss etməli idim: orada insan həqiqətən də özünü bu qədər xoşbəxt hiss edirmi?

Növbəti dəfə dərsləri buraxaraq, kompüterə qaçdım və ABŞ-a necə getmək olar deyə qızğın şəkildə axtarışa başladım.

Aha! Tələbə mübadilə proqramı! Məhz mənə lazım olan! IEC.Exchange saytını tapdım, proqramda iştirak üçün tələbləri oxumağa başladım. Şanslarımı qiymətləndirdim: xeyli pul lazım idi, ingilis dilim isə «London is the capital of Great Britain» səviyyəsində idi. Anladım ki, yeni arzumu dərhal həyata keçirməyim çətin olacaq.

Valideynlərimlə danışıb bütün «lehinə» və «əleyhinə» olanları ölçüb-biçdikdən sonra gələn il getmək qərara alındı. Motivasiyam çox böyük idi! Bir neçə gün sonra artıq ingilis dili kurslarına yazılırdım və əlavə iş axtarırdım.