J-1 վիզան այն վիզան է, որը տրվում է «Work and Travel USA» ծրագրի մասնակիցներին: Այս վիզայի ճիշտ անվանումն է՝ «J-1 Exchange Visitor Visa»:
J-1 վիզան ստեղծվել է օտարերկրյա ուսանողներին ամառային արձակուրդների ընթացքում ԱՄՆ տարածքում օրինական աշխատելու հնարավորություն տալու համար: J-1 վիզան ունի մեկ շատ կարեւոր առանձնահատկություն՝ այն մուտքի վիզա է: Այսինքն՝ այս վիզայով դուք կարող եք միայն մուտք գործել ԱՄՆ, իսկ գտնվելու ժամկետը որոշվում է այլ փաստաթղթերով (այս դեպքում՝ DS-2019 ձեւաթղթով):
J-1 վիզան տրվում է DS-2019 ձեւաթղթի հիման վրա (IEC.Exchange-ը կօգնի ստանալ այս ձեւաթուղթը), որը տրամադրվում է ամերիկյան հովանավոր կազմակերպության կողմից: Դիմողը պարտադիր պետք է ստորագրի DS-2019 ձեւաթուղթը: Վճարելով ծրագրի արժեքը՝ դուք վճարում եք ոչ թե վիզայի, այլ DS-2019 ձեւաթղթի համար, այսինքն՝ Work and Travel USA-ի մասնակից դառնալու հնարավորության համար: J-1 վիզան վճարվում է առանձին՝ հյուպատոսություն անձամբ դիմելիս: ԱՄՆ դեսպանատան հյուպատոսական վճարը կազմում է $140, գումարած առաքման ծառայության վճարները: Այս գումարները չեն վերադարձվում վիզայի մերժման դեպքում:
Փոխանակման ծրագրերով վիզա հայցող դիմորդները պետք է վճարեն SEVIS վճարը ($35) մինչեւ հարցազրույցի նշանակված օրը: Այս վճարը նույնպես ոչ մի դեպքում չի վերադարձվում:
Աղբյուր՝ IEC.Exchange VK խումբ
(11.04.11)
