Մեր գործատուն կազմակերպում էր 'Staff Party', որտեղ խաղարկվում էին տարբեր մրցանակներ, ինչը թույլ չէր տալիս թիմին ձանձրանալ ամբողջ ամառվա ընթացքում։ Եվ այսպես, ամբողջ ամառ մենք քրտնաջան աշխատում էինք։

Ինչ վերաբերում է նրան, թե ինչ կփոխեի Ամերիկայում, ինձ ամեն ինչ գոհացնում էր այնքան ժամանակ, քանի դեռ չէի փորձել ամերիկյան ելակը։ Չգիտեմ՝ ինձ այդպիսին հանդիպեց, թե իրականում այդպես է, բայց արտաքինից դրանք այնքան մաքուր ու համեղ են թվում, սակայն համով մեր ելակների նման չէին, այսինքն՝ անբնական էին, համ չունեին։ Եվ ամենահետաքրքիրն այն է, որ որոշ ամերիկացիներ կարծում են, որ սրանք են իսկական համեղ ելակները։ Պարզապես նրանք չեն փորձել մեր այգու բերքը։

Ամերիկայում ամեն ինչ շատ հասանելի է, ինչը ինձ շատ դուր եկավ։ Մենք աշխատում էինք ամբողջ ամառ, հանգստյան օրեր քիչ ունեինք, իսկ ճանապարհորդության պլանները հետաձգում էինք սեպտեմբեր ամսվա վրա, եւ ամբողջ ամառ մենք կամաց-կամաց նվերներ էինք հավաքում հարազատների ու մտերիմների համար։ Աղջիկները հաճախ գնումներ էին կատարում ինտերնետ խանութներից, եւ ապրանքները մի քանի օրվա ընթացքում արդեն դռան առջեւ էին։ Անվճար Wi-Fi ցանցերի հասանելիությունը, որտեղ մենք կարող էինք հեշտությամբ միանալ եւ շփվել հարազատների հետ՝ նույնիսկ մինչեւ տեղական SIM քարտ գնելը։ Հեծանիվների հասանելիությունը, որոշ տղաներ վերցնում էին եկեղեցուց։ Մեզ տվեց տանտերը, եւ ես նաեւ գիտեմ, որ որոշ տղաներ խանութներից նոր հեծանիվներ էին վերցնում, որտեղ պարզապես թողնում էին ավանդ՝ հետ վերադարձնելու պայմանով։ Նման հասանելիություն ես դեռ չէի հանդիպել։ Նաեւ խմելու ջրի հասանելիությունը։