Մայամի։ Օ՜... ինչ լողափեր կան այնտեղ։ Մենք հիմնականում ոտքով էինք քայլում եւ օրական մոտ 17 կմ անցնում։ Մեր հյուրանոցը գտնվում էր Հյուսիսային Մայամիում, եւ տեսարժան վայրեր հասնելու համար մենք տաքսի էինք պատվիրում։ Ահա եւս մեկ լայֆհեք. ներբեռնեք այնպիսի հավելվածներ, ինչպիսիք են Luft-ը կամ Uber-ը, եւ առաջին ուղեւորությունը կստանաք անվճար, իսկ մեր հյուրանոցում կային պրոմո-կոդերով քարտեր, որոնք մուտքագրելիս ստանում եք զեղչեր առաջին 5 ուղեւորությունների համար։

Մենք այցելեցինք Դաունթաուն, Վինվուդ թաղամաս եւ, իհարկե, գնումներ կատարեցինք Լինքոլն Ռոուդում։

Սրանք հիանալի օրեր էին։ Բայց առանց արկածների մենք չենք կարող, եւ Նյու Յորք մեր թռիչքի օրը իմացանք, որ մեր մեկ ամիս առաջ ամրագրած կացարանը հանկարծակի չեղարկվել է։ Եվ արդեն ավանդույթի համաձայն՝ մենք թռչում էինք Նյու Յորք՝ չիմանալով, թե որտեղ ենք գիշերելու։ Ժամը երկուսին Նյու Յորք ժամանելով՝ միայն երեկոյան տասին գտանք մեր հյուրընկալողին։ Հսկայական շնորհակալություն քաուչսերֆեր տղաներին, ովքեր ընդունեցին մեզ։

Նյու Յորքը այս անգամ ինձ ավելի շատ դուր եկավ։ Շենքերի, մշակույթների եւ մարդկանց այս ամբողջ հակադրությունը անջնջելի տպավորություն թողեց ինձ վրա։ Մենք տեսանք Ազատության արձանը, զբոսնեցինք Կենտրոնական այգում, գրեթե ոտքով անցանք ամբողջ Մանհեթենը, քշեցինք ճոպանուղային տրամվայով, եղանք Ռուզվելտ կղզում եւ, իհարկե, անուշադրության չմատնեցինք Time Square-ը։

Ինչպե՞ս է իմ Ամերիկան։ Ես այն դեռ մինչեւ վերջ չեմ բացահայտել։

Շնորհակալություն Work and Travel ծրագրին եւ IEC-ին այս անմոռանալի ամռան, նոր ծանոթությունների եւ սահմանների ընդլայնման համար։

Եթե դուք դեռ մտորումների մեջ եք, պարզապես որոշեք եւ բացահայտեք ձեր Ամերիկան։

Իսկ ես գնամ պլանավորեմ իմ 2019 թվականի Work and Travel ամառային ուղեւորությունը։