Եվ այսպես, մենք կանգնած ենք հյուպատոսարանի մոտ եւ կամաց քննարկում ենք հնարավոր հարցերը եւ ծրագրի մասնակիցների նախորդ ուղեւորությունները, եւ ՀԱՆԿԱՐԾ ձեզ անհրաժեշտ է դուրս գալ: Ի՞նչ անել: Կարդալ հրահանգը:
Տղաների համար. հեռանում ենք հյուպատոսարանից մոտ 50 մետր եւ անկյուն փնտրում... Դե, մնացածը գիտեք: Քաղաքակիրթ տարբերակ. վազում ենք դեպի Coffee House (այն գտնվում է փողոցի անկյունում):
Աղջիկների համար միայն քաղաքակիրթ տարբերակը:
Եվ այսպես, գործն արված է, եւ մենք վերադառնում ենք շարք՝ խստորեն հետեւելով մեր խմբի համակարգողի բոլոր ցուցումներին: Մարդկանց սկսում են ներս թողնել 2-ական, իսկ մենք կանգնած ենք եւ ուրախանում, որ խելքներս հերիքել է շատ տաք հագնվել: Հերթի սպասելիս անցկացնում ենք անմոռանալի ցրտաշունչ րոպեներ եւ վերջապես մտնում շենք: ԻՍԿ ՀԻՄԱ ՈՒՇԱԴՐՈՒԹՅՈՒՆ: ՈՉԻՆՉ ՄԻ ԱՐԵՔ, ՔԱՆԻ ԴԵՌ ՁԵԶ ՉԵՆ ԱՍԵԼ ԻՆՉ-ՈՐ ԲԱՆ ԱՆԵԼ:
- Առաջին հերթին մտնում ենք եւ, երբ առաջին հարկի պահակը խնդրի, տալիս ենք նրան մեր անձնագիրը:
- Այնուհետեւ գրպաններից հանում ենք բացարձակապես ամեն ինչ:
- Այնուհետեւ հանում ենք գոտին:
- Այնուհետեւ անցնում ենք մետաղական շրջանակի միջով (գնալ եւ գալ):
- Վերցնում ենք անձնագիրը, գոտին պահում ձեռքերում եւ բարձրանում 4-րդ հարկ:
- Մեծ թափանցիկ դուռ No1: Մոտենում ենք, բացում, շրջվում ձախ:
- Մեծ թափանցիկ դուռ No2: Մոտենում ենք եւ ՍՊԱՍՈՒՄ: Պահակը սեղմում է կոճակը եւ դուռը բացվում է: Բռնակը քաշում ենք ներքեւ եւ մտնում:
- Փակում ենք մեր հետեւից դուռը եւ կանգնում դրա մոտ:
- Հենց պահակը խնդրի մոտենալ, մոտենում ենք եւ տալիս նրան անձնագիրը:
- ԱՅՆՈՒՀԵՏԵՎ ԱՆՑՆՈՒՄ ԵՆՔ ՇՐՋԱՆԱԿԻ ՄԻՋՈՎ: Եթե պահակը ձեզ չի ասել գոտին դնել դարակի վրա, ՄԻ ԱՐԵՔ ԴԱ, նույնիսկ եթե նախապես գիտեք, որ գոտին ազդանշան է տալու: Իրականում հենց դա էլ տեղի է ունենում: Այժմ, պահակի պահանջով դնում ենք գոտին եւ կրկնում ընթացակարգը: Դրանից հետո նա առաջարկում է հանել վերնահագուստը եւ ցույց է տալիս, թե որտեղ է կախիչը:
- Հանում ենք վերնահագուստը, գոտին թողնում նույն տեղում եւ նորից անցնում շրջանակի միջով՝ առանց կանգ առնելու:
- Մտնում ենք սպասասրահ եւ լուռ նստում:
- Մոտենում ենք մատնահետքեր հանձնելու 2-րդ պատուհանին: Ոչ մի բարդ բան:
- Նստում ենք եւ սպասում նվիրական րոպեին: