Ղազախստան. 16 հունվարի, 2029 թ., տեղական ժամանակով 20:26...
Գրում եմ, որպեսզի վերջնականապես չկորցնենք մեր պատմության տարեգրությունը, քանի որ մարդկության վերջին անցյալը թվում է մշուշոտ երազ... Գրում եմ, որպեսզի ինքս չմոռանամ, հիշեցնեմ մյուսներին եւ փոխանցեմ ապագա սերնդին։
Հիմա անհավանական է թվում, որ այս ամենը տեղի է ունեցել մեզ հետ։ Ամեն ինչ փոխվեց 2012 թվականի բոլորին հայտնի աղմկահարույց ամսաթվից հետո... Եվ անհեթեթ ու ծիծաղելի է թվում, որ մարդիկ ենթադրություններ էին անում, թե ինչ սարսափելի իրադարձություններ են մեզ սպասում այդ տարվանից հետո՝ երկնաքարի հարված, մոլորակի պատմության մեջ ամենամեծ աղետները եւ նույնիսկ Երկրի ընդհանրապես անհետացումը։ Յուրաքանչյուրը յուրովի էր մեկնաբանում լեգենդար Մայա ցեղերի մարգարեությունները, որոնք արդյունքում իրականացան։ Վարկած կար, որ յուրաքանչյուր դարաշրջանում Երկիրն ինքն է «կլանում» ամենամեծ քաղաքակրթությունները՝ այդպիսով վերջ տալով մեկ դարաշրջանի եւ սկիզբ դնելով մյուսին։ Մեր պատմության մեջ դա դարձավ Արեւմտյան քաղաքակրթությունը։ Համաշխարհային տնտեսական ճգնաժամը դարձավ բոլոր արեւմտյան երկրների փլուզման սկիզբը միայն։
Հիմա մտածում եմ, թե որքան բախտավոր էի, որ 2010 թվականի հեռավոր ամռանը ինձ հաջողվեց լինել այդ ժամանակվա ամենամեծ երկրում՝ ԱՄՆ-ում, քանի որ մեր օրերում այդ տեղում օվկիանոսից բացի ոչինչ չի մնացել։
Հիմա ամեն ինչ այլ է, աշխարհը լիովին փոխվել է, կորցրել է նշանակությունը, թե ով էր նախկինում «3-րդ աշխարհի» երկիր, ով՝ բարգավաճող, ջնջվել են ռասայական, կրոնական եւ լեզվական սահմանները։ Ընդհանուր աղետի առջեւ մարդկությունը համախմբվեց։ Նրանք, ովքեր օվկիանոսի մյուս կողմում էին, ընդունեցին երբեմնի ամենամեծ երկրներից փրկվածներին։ Եվ այն ժամանակ կարեւոր չէր՝ ով էիր դու, ինչի էիր հավատում եւ որքան էիր վաստակում։ Միայն իր գոյության եզրին կանգնած՝ մարդկությունը գիտակցեց յուրաքանչյուր առանձին կյանքի արժեքը։
International Exchange Center-ը ոչ վերջին դերը խաղաց բոլորովին նոր աշխարհի կառուցման գործում։ Այժմ Կենտրոնն օգնում է տեղափոխվել, աշխատանք գտնել, կյանքում գտնել իրեն նրանց, ովքեր փրկվել են։ IEC-ն իսկապես դարձավ այն կամուրջը, որն օգնում է տարբեր մշակույթ եւ պատմություն ունեցող մարդկանց իսկապես EXCHANGE անել միմյանց հետ իրենց նախնիների մեծագույն գիտելիքներն ու անգին փորձը։ Այլեւս չկան Արեւմուտք եւ Արեւելք հասկացությունները, IEC-ն միավորեց այն, ինչը, կարծես, երբեք չէր հատվի։ Իսկ ո՞վ կարող էր մտածել այդ մասին 19 տարի առաջ...
17 հունվարի, 2029 թ., տեղական ժամանակով 00:14...
Գրում եմ, որպեսզի միշտ հիշեմ այն, ինչ կորցրեցինք եւ ինչ ձեռք բերեցինք... Գրում եմ, որովհետեւ հավատում եմ, որ ԱՄՆ-ը չի անհետացել... ոչ։ Այս մեծ երկիրը իր տարեգրությունը թողեց սերունդների մեջ եւ օգնեց միավորել աշխարհը՝ կյանք տալով նոր դարաշրջանի...