Սիրելի՛ Իգոր, քանի որ հայրդ իմ լավագույն ընկերն է, կցանկանայի կիսվել քեզ հետ իմ փորձով եւ խորհուրդներով, քանի որ մեկ տարի անց դու մեկնում ես ԱՄՆ։ 2019 թվականին ես եղել եմ Նահանգներում Work and Travel USA ծրագրով, ճիշտ այնպես, ինչպես դու շուտով կմեկնես։ Հասկանում եմ, որ հիմա ժամանակները նախկինը չեն, բայց սկզբունքը պետք է ըմբռնես։
Ուրախ եմ, որ որպես հովանավոր ընտրել ես International Exchange Center-ը, քանի որ այն իրեն դրսեւորել է միայն լավագույն կողմից։ Վերջերս լսեցի, որ ԱՊՀ երկրների գրեթե յուրաքանչյուր քաղաքում կան նրանց մեծ գրասենյակները։ Անկեղծ ասած, դու շատ բախտավոր ես, որ 2039 թվականին ծրագիրն արժե ընդամենը 600$։ Սա հիանալի հնարավորություն է ձեզ համար՝ ուսանողներիդ։ Դու ճիշտ ընտրություն ես կատարել՝ օգտվելով այդ հնարավորությունից։ Ընկերս՝ Արմանը, աշխատում է որպես համակարգող International Exchange Center-ում, նա էլ ժամանակին եղել է Նահանգներում։ Վերջերս սրճարանում հանդիպեցինք, նա պատմեց, թե ինչպես է այժմ կազմակերպված աշխատանքը International Exchange Center-ում. այնտեղ ամեն ինչ ռոբոտացված է, համակարգիչը հավաքում է բոլոր անհրաժեշտ փաստաթղթերը, դրանք ընդունվում են միայն էլեկտրոնային տարբերակով, եւ ուսանողներից պահանջվում է միայն էլեկտրոնային ստորագրություն։ Սա շատ հարմար է, եւ վճարումներն ընդունում են միայն բիթքոյնով։ Այո, հասկանում եմ, որ հիմա ամբողջ աշխարհում օգտվում են բիթքոյնից, բայց ԱՄՆ-ում դու կարող ես աշխատավարձ ստանալ եւ՛ դոլարով, եւ՛ բիթքոյնով՝ ինչպես քեզ հարմար կլինի։ Խորհուրդ կտայի աշխատավարձդ ստանալ միայն բիթքոյնով, քանի որ հետո դժվար կլինի դոլարը կանխիկացնել Ղազախստանում կամ ԱՊՀ այլ երկրում։
Ամերիկան այժմ աշխարհի ամենաառաջադեմ երկիրն է, ես անձամբ համոզվեցի դրանում՝ տեղափոխվելով այստեղ երեք տարի առաջ։ Այժմ աշխատում եմ Altima Corporation-ում, ես ծրագրավորող եմ։ Մենք ծրագրավորում ենք մեքենաներ, երեւի գիտես, որ այս պահին աշխարհում ամենահայտնի մեքենաները Tesla-ի մեքենաներն են, այդ կապակցությամբ խորհուրդ կտայի այցելել Կալիֆոռնիայի Tesla թեմատիկ այգի։ Այնտեղ կարող ես անվճար քշել առանց անիվների Tesla GTX մոդելները, շուտով դրանք կհայտնվեն սերիական արտադրության մեջ ամբողջ աշխարհում։
Մեր շուրջ աշխարհը փոխվում է, արժեքները՝ նույնպես։ Այժմ աշխարհում կարեւոր չեն նյութական արժեքները, այլ մարդու ներքին հարստությունը, ավելի ճիշտ՝ խելքը։ Քանի որ մեր մոլորակը գտնվում է այնպիսի վիճակում, որ ժամանակ չկա մտածելու, թե ինչ կլինի հիմա, պետք է մտածել, թե ինչ կլինի ապագայում։ Աշխարհին պետք են մարդիկ, որոնք կմշակեն նոր տեխնոլոգիաներ՝ փոխարինելու հնացածներին, որոնք չափից ավելի վնասում են մեր աշխարհին։ Երկրային ռեսուրսներն անվերջ չեն, դու ինքդ էլ դա հասկանում ում ես։ Եթե կարծում ես, որ նույնպես կարող ես քո ներդրումն ունենալ, ապա համալսարանն ավարտելուց հետո կարող ես գրել ինձ։ Սա ուղղակի ի գիտություն։
Թող ԱՄՆ-ում ձեռք բերածդ փորձը երկար մնա քո հիշողության մեջ։ #Ամերիկա #ճամփորդություն #ապագա