Բոլորին է հայտնի, որ առաջիկա մի քանի տարիների ընթացքում ամբողջ աշխարհում բազմաթիվ մարդիկ կկրճատվեն աշխատանքից՝ ռոբոտացման եւ արհեստական բանականության համատարած օգտագործման պատճառով։ Իհարկե, այս նորամուծությունները չեն շրջանցի նաեւ մեր սիրելի IEC-ն եւ Work and Travel USA ծրագիրը։
Եվ այսպես, ընկերնե՛ր, պատուհանից դուրս 2039 թվականն է։ Միջազգային փոխանակման կենտրոնի գրասենյակը տեղափոխվել է վիրտուալ տարածք, ինչպես եւ խոշոր ընկերությունների մեծ մասը։ Այլեւս կարիք չկա փնտրելու այդ փափագելի դուռը ԱՄՆ դեսպանատան մոտակայքում, որը կարող է քեզ ուղարկել դեպի մեծ ու անծայրածիր ԱՄՆ, այժմ ամեն ինչ կարելի է անել հեռակա կարգով՝ առանց տան Wi-Fi-ի գոտուց դուրս գալու։
Իսկ այժմ ժամանակն է խոսել նաեւ Work and Travel USA ծրագրի մասին, ի՞նչ փոփոխություններ են տեղի ունեցել դրանում։ Իհարկե, տեխնոլոգիաները ընդլայնել են վիրտուալ աշխարհը եւ դրա հնարավորությունները մինչեւ աներեւակայելի մասշտաբներ, բայց չէ՞ որ հնարավոր չէ պարզապես վերցնել եւ այցելել մեկ այլ երկիր՝ նստած սեփական բազկաթոռին եւ սոդա խմելով։ Թե՞ հնարավոր է։ Եկեք պարզենք։ 2039 թվականին IEC-ն կատարեց անհնարինը եւ փոխվեց մինչեւ անճանաչելիություն, բայց, այնուամենայնիվ, ինչ-որ բան մնացել է նաեւ 2019 թվականի հին ու բարի IEC-ից... Տեսնում եմ, տեսնում եմ ձեր հարցական հայացքը։ Ինչպես միշտ եղել է, այնպես էլ հիմա կան մասնակցության մի քանի տարբերակներ։ Եթե նախկինում դրանք բյուջետային Self Arranged-ն էին կամ լիարժեք Full Service-ը, ապա ի՞նչ կարող ենք ընտրել հիմա։ Այժմ ընտրության համար հասանելի են նաեւ երկու տարբերակ՝ Old School եւ Lazy USA։ Մենք, թերեւս, սկզբի համար կանգ կառնենք երկրորդի վրա։ Ձեռք բերելով այս փաթեթը՝ դուք ստանում եք viva USA վիրտուալ իրականության ակնոցներ, որոնցով դուք հեռակա կարգով կկարողանաք աշխատել, օրինակ՝ կառավարել նույն ռոբոտներին, որոնք գտնվում են Նահանգներում՝ որեւէ գործարանում (Ո՞վ գիտի, գուցե 30 տարի անց նման ծառայությունը նույնպես պահանջված լինի), իսկ ազատ ժամանակ կատարել վիրտուալ ճանապարհորդություններ եւ ծախսել վաստակած գումարը, կամ փոխանցել այն ձեր անձնական հաշվին եւ գնել ինչ-որ բան հայրենիքում։
Ինչ վերաբերում է Old School-ին, ապա այստեղ ամեն ինչ դասական է՝ աշխատանք ձեռքերով, ճանապարհորդություններ, նոր ընկերներ եւ անմոռանալի փորձ։
To be continued...