Ճանապարհորդելու ցանկությունս առաջացել է այն պահից, երբ սկսեցի դիտել «Oryol i Reshka» հաղորդումը։ Դիտելով այդ թողարկումները՝ դու նույնպես ներքուստ ցանկանում ես հայտնվել նրանց տեղում։ Ճանապարհորդությունը նոր մշակույթի հետ ծանոթանալու հնարավորություն է։ Բայց ամեն ինչ այդքան էլ պարզ չէ...
Ճանապարհորդելը աշխարհի ամենալավ բանն է։
Դպրոցական տարիներից գիտեի FLEX եւ Work and Travel փոխանակման ծրագրերի մասին։ Բայց անկեղծ ասած, մինչեւ որոշակի պահը հստակ պատկերացում չունեի, թե ինչպես է այդ ամենը տեղի ունենում։ Վերջերս հանգստյան օրերին սկսեցի դիտել այն մարդկանց բլոգները, ովքեր Work and Travel ծրագրով եղել են Նահանգներում։ Նրանց պատմություններից գլխումս պատկեր ձեւավորվեց, եւ ես հասկացա ամբողջ գործընթացի հիմքը։
Մտադրվել էի հաջորդ տարի դիմել, իսկ այս տարի վճարի համար գումար վաստակել։ Բայց տեսնելով մրցույթը՝ չէի ցանկանում բաց թողնել նման հնարավորությունը։ Եվ ես ուզում եմ մի փոքր կանգ առնել որոշ ենթավերնագրերի վրա։
«Այժմ եւ ապագայում»
21-րդ դարն է, եւ շատերը արդեն գիտեն նման փոխանակման ծրագրերի մասին, բայց մեզ երբեմն չի բավականացնում համարձակությունն ու վստահությունը։ Բայց կարծում եմ՝ յուրաքանչյուր սերնդի հետ մենք կարող ենք նկատել, որ երիտասարդները բաց են փոփոխությունների համար։ Նրանք չեն ուզում մեր ծնողների պես 10 եւ ավելի տարի աշխատել նույն տեղում։ Միշտ ցանկանում են ինչ-որ փոփոխություններ։ Եվ ուսանողները հաճախ ամռանը հավելյալ աշխատանք են փնտրում։ Իսկ Work and Travel-ը հիանալի հնարավորություն է ամռանը Նահանգներում հավելյալ գումար վաստակելու եւ հանգստանալու համար։ Այժմ, երբ տեսնում ենք ծանոթների, որոնք մասնակցում են նման ծրագրերի, զարմանում ենք, իսկ մի քանի տարի անց դա արդեն սովորական կլինի։ Եվ երիտասարդները շատ էլ բաց են նման փոփոխությունների համար, եւ միեւնույն ժամանակ, զարգանալով, նրանք ճանապարհորդում եւ գումար են վաստակում։
Ինչպե՞ս կօգներ ինձ փոխանակման ծրագիրը.
Փոխանակման ծրագիրը շատ առավելություններ ունի.
- տեսնել աշխարհը, վերջապես այն վայրերը, որոնք տեսել եմ միայն հեռուստացույցով
- նոր ծանոթություններ տարբեր հետաքրքիր մարդկանց հետ
- ընդլայնել աշխարհայացքը
- ապացուցել ինքս ինձ, որ կարող եմ ամեն ինչ
- ձեւավորվել որպես անհատականություն
- սովորել նոր լեզուներ
Այսինքն՝ այս ամենը նոր հույզեր են։ Նոր դու, եւ ես միշտ լսել եմ, որ երբ մարդ սկսում է ճանապարհորդել, նա ինքն էլ սկսում է փոխվել։
Ճանապարհորդությունը նաեւ յուրօրինակ ուսուցում է, այսինքն՝ սովորել աշխարհից եւ մարդկանցից։