Օրը նշանակված է՝ ապրիլի 29-ը։ Պատրաստվելու համար գրեթե մեկ ամիս կա, բայց ես միեւնույն է՝ խուճապի մեջ եմ. չեմ հասցնի սովորել հուշաթերթը, չեմ հասցնի համալսարանից տեղեկանք վերցնել, չեմ հասցնի հոգեպես պատրաստվել։ Անգլերենս կարծես թե վատ չէ, բայց կարդում եմ ֆորումը, եւ այնտեղ այնպիսի հարցեր են նշված, որ ես միանգամից չէի հասկանա, թե ինչի մասին է խոսքը։ Սկզբունքորեն, նրանք ինձ մերժելու պատճառ չունեն. 4-րդ կուրսի ուսանող եմ, ունեմ սեփական բնակարան, Ամերիկայում հարազատներ չունեմ, դատվածություն նույնպես։ Ասում են՝ նրանց որոշումը կայացվում է դեռ հարցազրույցից առաջ, իսկ դեսպանատանը պարզապես հավելյալ համոզվում են, որ դու իսկապես արժանի ես «issued» նշանին։ Բայց ինչո՞ւ է այսքան սարսափելի։ 2010-04-11 00:50:49