Երբ մենք ժամանեցինք New Harbor, մեզ բաժին հասավ ոչ այնքան լավ տուն։ Մեղմ ասած՝ այն շատ վատն էր։ Գիշերները այնտեղ շատ ցուրտ էր եւ երբեմն խոնավության հոտ էր գալիս, իսկ ցերեկը կարելի էր տեսնել տարբեր բզեզներ եւ թռչող միջատներ։ Ժամանելուն պես մենք սկսեցինք նոր տուն փնտրել։ Քանի որ ամեն ինչ զբաղված էր, առաջին ազատված տունը հասանելի դարձավ մեզ միայն երկու շաբաթ առաջ։

Մեր գործատուի շնորհիվ մենք հնարավորություն ստացանք տեղափոխվել նոր տուն, որի առաջին հարկում գտնվում է վարսավիրանոց, որտեղ աշխատում է տանտիրուհին, եւ, իմ կարծիքով, նա բավականին լավ գումար է վաստակում։ Դիմացը գտնվում է Cupboard Cafe անունով հայտնի սրճարանը, որն աշխատում է մինչեւ ճաշ։ Այստեղ դուք կարող եք համտեսել շատ համեղ սուրճ՝ անկրկնելի սենդվիչներով։

Այս տանը ապրում է եւս մի քանի մարդ, որոնցից յուրաքանչյուրն ունի իր սեփական բնակարանը։ Մեր տրամադրության տակ է երկհարկանի բնակարան՝ սպասքով, Wi-Fi-ով, կաբելային հեռուստատեսությամբ եւ մնացած բոլոր հարմարություններով։ Մենք շատ ուրախ ենք, որ տեղափոխվել ենք այստեղ։ Շատ սիրուն տեղ է։

Եվ այս ամբողջ հաճույքը արժե ընդամենը 75 դոլար մեկ շաբաթվա համար՝ մեկ անձի հաշվով։