Իրականում ես սնահավատ չեմ, բայց երբեմն ինձ զարմացնում են որոշ զուգադիպություններ, որոշ տարօրինակություններ։
Սկսենք նրանից, որ ես լիովին ՊԱՏԱՀԱԿԱՆՈՐԵՆ հայտնվեցի կայքում (թեեւ հարյուրավոր այլ մասնակիցների պես): Ես բաժանվեցի ընկերոջիցս (որին դուր չէր գալիս իմ ընկերուհին, եւ հենց բաժանվեցինք, ընկերուհուս հետ էլ հարաբերություններս փչացան) – սա իմ մեջ ՎՃՌԱԿԱՆՈՒԹՅՈՒՆ ներշնչեց: Հայրիկս ՀԱՄԱՁԱՅՆԵՑ բաց թողնել դստերը, որին վախենում է դիսկոտեկներ ուղարկել, ՕԿԵԱՆԻՑ ԱՅՆ ԿՈՂՄ գտնվող մի երկիր, որտեղ մարդիկ խոսում են ՕՏԱՐ լեզվով: Եվ հայրիկս նույնիսկ ՓՈՂ տվեց: Զուգադիպություններն ու պատահականությունները սրանով չեն ավարտվում: Երբ ինստիտուտում որոշեցի քննաշրջանը ժամանակից շուտ հանձնել, կուրատորն ասաց, որ խիստ անհրաժեշտ է տեղեկանքով հանձնել: Եվ ես որոշեցի գնալ եւ խնդրել իմ ծանոթ բժշկին, որ տեղեկանք տա, որ ինձ ԽՈՐՀՈՒՐԴ Է ՏՐՎՈՒՄ բուժում, ոչ թե պարտադիր, այլ խորհուրդ է տրվում: Եվ որոշեցի այդ գործը հետաձգել մինչեւ վիզա ստանալը: Եվ լիովին պատահաբար իմ ծանոթներից մեկն ինձ ասում է, որ այդ նույն բժշկին ձեռնաշղթաներով դուրս են բերել իր աշխատասենյակից: Ինչի՞ համար: ԿԵՂԾ տեղեկանքի համար: Ահա թե ինչ: Այնպես որ, ես որոշեցի, որ դա, հավանաբար, նշան է: Պետք է մեկ այլ պատճառ հորինել ժամանակից շուտ քննաշրջանի համար, օրինակ՝ հիվանդ տատիկին պետք է խնամել, որովհետեւ հարազատներից ոչ ոք չի կարող: Մանավանդ որ գնահատականներս վատը չեն: Հաջորդ զուգադիպությունը, կամ չգիտեմ՝ ինչպես բացատրել: Գալիս եմ անգլերենի դասին, իսկ կուրատորս բոլորին ասում է, որ այս կիսամյակի դասերը կավարտվեն արդեն ապրիլի վերջին: Հետեւաբար, ապրիլի վերջին արդեն կսկսվեն ստուգարքները: Իսկ ժուռնալիստիկայի ամբիոնի վարիչը՝ բարի մի մարդ, հայտնեց, որ, ԱՄԵՆԱՅՆ ՀԱՎԱՆԱԿԱՆՈՒԹՅԱՄԲ, ամառային քննաշրջանը կտեղափոխվի մայիս: Սա նշանակում է, որ ինձ համար շատ ավելի հեշտ կլինի գոնե մի քանի քննություն տեղափոխել, քան ամբողջ քննաշրջանը: Շարունակեմ: Այն օրը, երբ ես ԱՐԴԵՆ ստորագրել էի ծրագրին մասնակցելու պայմանագիրը, ինձ մոտ եկավ նա, ով դարձել էր այս ամենի պատճառը, եւ ուզում էր վերադառնալ: ԲԱՅՑ ես ԱՐԴԵՆ ստորագրել էի պայմանագիրը: Եթե նա մեկ օր շուտ գար, գուցե հիմա ես այստեղ չգրեի:
Իսկ դուք հավատո՞ւմ եք պատահականություններին: Դուք հավատո՞ւմ եք ճակատագրին:
