«Ամերիկան մի երկիր է, որտեղ երազանքները իրականություն են դառնում ընդամենը երկու «եթե»-ով. - եթե փող ունես, - եթե կապեր ունես: Այլ երկրներ պահանջում են ավելի շատ «եթե»-ներ»:

«Ամերիկա պետք է գնալ երկու բանով՝ կամ ուղեղով, կամ փողով»:

«Բոլոր մարդիկ բաժանվում են 2 տեսակի՝ նրանք, ովքեր հայհոյում են Ամերիկան ԱՄՆ տեղափոխվելուց առաջ, եւ նրանք, ովքեր հայհոյում են Ամերիկան ԱՄՆ տեղափոխվելուց հետո»:

Ամերիկան մեծ հնարավորությունների երկիր է: Այս մտքերով ես՝ որպես 3-րդ կուրսի ուսանող, առաջին անգամ մեկնեցի ԱՄՆ:

2 տարի անց ես դեռ հավատարիմ եմ այս մտքին: Նահանգներում անցկացրած երկու ամառները 180 աստիճանով փոխեցին իմ կյանքը: Այն փորձը, որ ես ձեռք բերեցի այնտեղ, անհամեմատելի է: Եվ ես իմ պարտքն եմ համարում կիսվել իմ փորձով այն ուսանողների հետ, ովքեր պատրաստվում են մեկնել ԱՄՆ 2011, 2012 եւ այլ տարիներին:

Ես չեմ ուզում, որ մարդիկ կրկնեն իմ սխալները: Դրա համար էլ ստեղծել եմ այս բլոգը: Իմ պատմությունը 2010-ի ամռան մասին կսկսեմ սկզբից մինչեւ վերջ՝ ժամանակագրական կարգով. տոմսերի գնում, նահանգներում անցկացրած առաջին դժոխային ամիսը, մեքենայի գնում, հիվանդանոց, դատարան, վարորդական իրավունքի ստացում եւ կավարտեմ ամենահետաքրքիրով՝ NC->CA->NC ճամփորդությամբ:

Հուսով եմ՝ շատ հետաքրքիր կլինի:

Կուզենայի ավելի շատ մեկնաբանություններ տեսնել ձեզանից:

Hey ho, let's go...