Երիտասարդություն... Մի ժամանակաշրջան, երբ ամենաքիչն ես մտածում աշխարհի խնդիրների մասին, մի ժամանակ, երբ թվում է, թե պետք է հասցնել ամեն ինչ անել, բայց ինչ-ինչ պատճառներով բոլոր գործերը հետաձգում ես վաղվան։ Վստահելով երկրիդ ապագայի մասին դատողությունները փիլիսոփաներին, քաղաքագետներին եւ գուշակներին՝ մի պահ գիտակցում ես, որ այն, ինչ տեղի կունենա ապագայում ամբողջ աշխարհի հետ, ինչ-որ չափով կանդրադառնա նաեւ քեզ վրա։ Մենք մոլորակի միլիարդավոր բնակչության պարզապես մի մասնիկը չենք, մենք՝ երիտասարդներս, նրանք ենք, ովքեր արդեն վաղը պետք է ստանձնեն աշխարհի կառավարման ղեկը, եւ այս աշխարհի ճակատագիրը միայն մեր ձեռքերում է։ Սա հսկայական պատասխանատվություն է, եւ բնականաբար, առանց հասարակության յուրաքանչյուր անդամի մասնակցության մենք չենք կարող։ Ամենախոշոր գերտերությունների միավորումը, ընդհանուր արժեքներին եւ իդեալներին ձգտելը, համաշխարհային չարիքի դեմ համատեղ պայքարը՝ ահա այն գրավականը, որ աշխարհը ոչ միայն կպահպանվի, այլեւ կփոխվի դեպի լավը։
Ես ապրում եւ սովորում եմ Ռուսաստանի Դաշնությունում եւ իմ երկիրը համարում եմ աշխարհի ամենաուժեղ, ամենագեղեցիկ երկիրը։ Մեծ պատմություն, այդ պատմությունը կերտած մեծ մարդիկ ունեցող պետություն, մի պետություն, որը, չնայած ամեն ինչին, այնուամենայնիվ, դիմացավ եւ գոյատեւեց։ Կային մարդիկ, ովքեր Ռուսաստանին կանխատեսում էին անփառունակ կործանում համաշխարհային իրադարձությունների հորձանուտում, բայց որտե՞ղ են հիմա այդ մարդիկ իրենց կանխատեսումներով։ Իմ երկիրը զարգանում է օրեցօր, տնտեսությունը աճում է, քաղաքացիների բարեկեցությունը բարելավվում է։ Այնուամենայնիվ, «ռուսական ոգին» դատարկ խոսքեր չեն, դրանցում դրված է խորը իմաստ, որն արտացոլում է մի ժողովրդի հզորությունը, որին երբեք ոչ ոք չի կարող կոտրել։
