Ժամը 8-ին հասանք այս քաղաք, ավտոբուսի կեսը այստեղ իջավ։ Ես չգնացի քաղաք, ծուլանում էի, նստեցի կանգառում ու հետեւում էի մարդկանց։ Մտածում էի՝ ինչո՞ւ են շատերը ավտոբուսով գնում, եթե տարբերությունը մոտ 150 դոլար է։ Նրանք 30 դոլար ծախսում են միայն իրենց հետ վերցրած ուտելիքի ու խմիչքի վրա, հետո ամեն կանգառում մտնում են տեղի սրճարաններ ու 8-10 դոլար էլ այնտեղ թողնում, ու ճանապարհի վերջում ստացվում է 80-100 դոլար։ Ի՞նչ իմաստ ունի 50 դոլար խնայելու համար 4 ժամվա փոխարեն մեկուկես օր ճանապարհ գնալ։ Ես ոչինչ չծախսեցի, 6 շոկոլադ գնեցի ու մեկուկես օր ձգեցի, վերջ։ Ու էլի հեռախոսիս պատճառով ինձ հյուրասիրում էին ուտելիքով։