Նախ եւ առաջ պետք է պատմեմ այն վայրի մասին, որտեղ ապրում եմ, ուր ինձ բերեց ճակատագիրը։ Bethany Beach-ը փոքրիկ առողջարանային քաղաք է Ատլանտյան օվկիանոսի ափին։ Անկեղծ ասած, սկզբում այս վայրը ինձ մոտ խուճապ էր առաջացնում եւ ցանկություն՝ արագ հեռանալու ավելի քաղաքակիրթ նահանգ կամ քաղաք, բայց հետո հանդարտվեցի եւ կարծես թե ներծծվեցի օվկիանոսի օդով եւ իմ ամերիկյան առողջարանային «գյուղակի» հանգստությամբ։

Տուն։ 7 հոգի (եւ բոլորը աղջիկներ!) մեկ լոգարանի համար (!!! oh god), ապրում ենք ամերիկյան ընտանիքի հետ՝ մի ամուսնական զույգ, որը որդեգրել է երկու սեւամորթ երեխայի։ Ավելի հանգիստ կլիներ, եթե չլինեին այդ փոքրիկները, որոնք աղմկում են առավոտյան ժամը 7-8-ին։