Ես շատ եմ սիրում ծովափնյա քաղաքները։

Բալթիմորը շատ գեղեցիկ, մեծ քաղաք է։ Նրա տեսարժան վայրը ծովային նավահանգիստն է։ Առաջին բանը, որ հավանաբար նկատում են այցելուները առափնյա հատվածում, մեծ, հզոր նավն է։ Կարելի է նաեւ զբոսնել ջրային տաքսիներով։ Այն գնում է կայարանից կայարան, որտեղ ուզում ես՝ իջնում ես, զննում ես ամբողջ տարածքը, հետ ես նստում եւ իջնում մեկ այլ կայարանում, եւ այդպես կարելի է անցկացնել ամբողջ օրը։ Բալթիմորում կա նաեւ մեծ ակվարիում, այնտեղ հավաքված է ծովային կենդանիների մեծ բազմազանություն, այնտեղ նաեւ ֆիլմ են ցուցադրում, քեզ հատուկ ակնոցներ են հագցնում, որոնց շնորհիվ դիտման ընթացքում տարբեր հատուկ էֆեկտներ են ստեղծվում։ Դու զգում ես, թե ինչպես է փչում քամին, ինչ-որ մեկը դիպչում է քեզ եւ այլն։ Այնտեղ կան նաեւ շատ ճարտարապետական թանգարաններ, շատ անսովոր եւ գեղեցիկ եկեղեցիներ։ Մի բարի տղամարդ պատմեց մեզ այս քաղաքի միլիոնատերերի պատմությունը եւ ցույց տվեց նրանց արձանները։