Ղազախստան. 2029 թվականի հունվարի 16, տեղական ժամանակով 20:26...
Գրում եմ, որպեսզի վերջնականապես չկորցնենք մեր պատմության տարեգրությունը, քանի որ մարդկության վերջին անցյալը թվում է մշուշոտ երազ... Գրում եմ, որպեսզի ինքս չմոռանամ, հիշեցնեմ մյուսներին եւ փոխանցեմ ապագա սերնդին։
Հիմա անհավանական է թվում, որ այս ամենը տեղի է ունեցել մեզ հետ։ Ամեն ինչ փոխվեց 2012 թվականի բոլորին հայտնի աղմկահարույց ամսաթվից հետո... Եվ անհեթեթ ու ծիծաղելի է թվում, որ մարդիկ ենթադրություններ էին անում, թե ինչ սարսափելի իրադարձություններ են մեզ սպասվում այդ տարվանից հետո՝ եւ՛ երկնաքարի հարված, եւ՛ մոլորակի պատմության մեջ ամենամեծ աղետները, եւ նույնիսկ Երկրի ընդհանրապես անհետացումը։ Յուրաքանչյուրը յուրովի էր մեկնաբանում լեգենդար Մայա ցեղերի մարգարեությունները, որոնք արդյունքում իրականացան։ Կար մի վարկած, որ յուրաքանչյուր դարաշրջանում Երկիրն ինքն է «կլանում» ամենամեծ քաղաքակրթությունները՝ այդպիսով վերջ դնելով մեկ դարաշրջանի եւ սկիզբ դնելով մյուսին։ Մեր պատմության մեջ այդպիսին դարձավ Արեւմտյան քաղաքակրթությունը։ Համաշխարհային տնտեսական ճգնաժամը դարձավ միայն բոլոր արեւմտյան երկրների փլուզման սկիզբը։
Հիմա մտածում եմ, թե որքան բախտավոր եմ, որ ժամանակին՝ 2010 թվականի հեռավոր ամռանը, ինձ հաջողվեց լինել այդ ժամանակի ամենամեծ երկրում՝ ԱՄՆ-ում, չէ՞ որ մեր օրերում այդ տեղում ոչինչ չի մնացել, բացի օվկիանոսից։
Հիմա ամեն ինչ այլ է, աշխարհը լիովին փոխվել է, կորցրել է նշանակությունը, թե ով էր նախկինում «3-րդ աշխարհի» երկիր, ով՝ բարգավաճող, ջնջվել են ռասայական, կրոնական եւ լեզվական սահմանները։ Ընդհանուր աղետի դեմ հանդիման մարդկությունը համախմբվեց։ Նրանք, ովքեր օվկիանոսի մյուս կողմում էին, ընդունեցին երբեմնի ամենամեծ երկրներից փրկվածներին։ Եվ այն ժամանակ կարեւոր չէր՝ ով էիր դու, ինչի էիր հավատում եւ որքան էիր վաստակում։ Միայն իր գոյության եզրին կանգնած՝ մարդկությունը գիտակցեց յուրաքանչյուր առանձին վերցրած կյանքի արժեքը։
International Exchange Center-ը վերջին դերը չխաղաց բոլորովին նոր աշխարհի կառուցման գործում։ Այժմ Կենտրոնն օգնում է տեղափոխվել, աշխատանք գտնել, կյանքում գտնել ինքն իրեն նրանց, ովքեր փրկվել են։ IEC.Exchange-ը իսկապես դարձավ այն կամուրջը, որն օգնում է տարբեր մշակույթ եւ պատմություն ունեցող մարդկանց իսկապես ՓՈԽԱՆԱԿԵԼ միմյանց հետ իրենց նախնիների մեծագույն գիտելիքները եւ անգնահատելի փորձը։ Այլեւս չկան Արեւմուտք եւ Արեւելք հասկացությունները, IEC.Exchange-ը միավորեց այն, ինչ, թվում էր, երբեք չի հատվի։ Իսկ ո՞վ կարող էր մտածել այդ մասին 19 տարի առաջ...
2029 թվականի հունվարի 17, տեղական ժամանակով 00:14...
Գրում եմ, որպեսզի միշտ հիշեմ այն մասին, թե ինչ կորցրեցինք եւ ինչ ձեռք բերեցինք... Գրում եմ, որովհետեւ հավատում եմ, որ ԱՄՆ-ը չի անհետացել... ոչ։ Այս մեծ երկիրն իր տարեգրությունը թողեց սերունդների մեջ եւ օգնեց միավորել աշխարհը՝ կյանք տալով նոր դարաշրջանի...