Տարօրինակ քաղաք է... Այն իր մեջ համատեղում է բոլորովին տարբեր թաղամասեր։ Ապակուց եւ մետաղից պատրաստված բարձրահարկ շենքերով սովորական գործարար կենտրոն, շքեղության մեջ խորտակված Բեւերլի Հիլզ, որտեղ յուրաքանչյուր տուն պատկանում է ինչ-որ հայտնի մարդու, աստղերի ծառուղի, որը ինչ-ինչ պատճառներով բուռն հիացմունք չի առաջացնում (հավանաբար այն պատճառով, որ շատ աստղերի անուններ ժամանակակից երիտասարդների համար արդեն ոչինչ չեն նշանակում)... Թաղամասերը միմյանցից հեռու են գտնվում, եւ եթե դուք այստեղ առաջին անգամ եք եւ ինքնուրույն, ապա անհրաժեշտ վայրը գտնելը այնքան էլ հեշտ չի լինի։
Բայց Լոս Անջելես գնալը պարտադիր է!!! Չէ՞ որ այստեղ կան երկու բոլորովին ցնցող տեսարժան վայրեր՝ Universal Studio եւ Disneyland: Այնտեղ տոմսերը էժան չեն, բայց դուք ոչ մի վայրկյան չեք զղջա, քանի որ դա անմոռանալի է: Disneyland-ի մասին մենք բոլորս, իհարկե, լսել ենք դեռ մանկուց: Ընդ որում, եթե ձեզ թվում է, որ դուք արդեն դուրս եք եկել այդ տարիքից, ապա խորապես սխալվում եք: Պարզապես մեկ օրով հայտնվել կենդանացած մուլտհերոսների, իրական խաղալիք շենքերի եւ շունչը կտրող շոուների աշխարհում: Էլ չենք խոսում ատրակցիոնների մասին, որոնք նախկինում հնարավոր էր տեսնել միայն հեռուստացույցով: Ընդ որում, եթե դուք այնուամենայնիվ ձեզ շատ մեծահասակ եք համարում, ապա Disneyland-ի դիմաց գտնվում է California ատրակցիոնների այգին՝ սուր զգացողությունների սիրահար մեծահասակների համար: Միայն հիշեք, որ ամերիկյան ատրակցիոնները նյարդերը թույլ մարդկանց համար չեն, իսկ մեր Super-8-ը նրանց կողքին ոչինչ է:
Universal Studio-ն հետխորհրդային տարածքում լայն ճանաչում չունի: Իսկ իզուր: Սա կարծես մեծահասակների համար նախատեսված Disneyland լինի: Նույնպես ատրակցիոններ եւ շոուներ, միայն թե ֆիլմերի, այլ ոչ թե մուլտֆիլմերի հիման վրա: Ուշադրություն. հարմար է նաեւ նյարդերը թույլ մարդկանց համար: Բայց վստահ եղեք, որ այստեղ դուք չոր չեք դուրս գա ջրից՝ բառի բուն իմաստով, իմ ամբողջ կոսմետիկան լվացվեց առաջին իսկ ատրակցիոնների ժամանակ: Իսկ այն, ինչ ձեզ այստեղ ցույց կտան, հաստատ երբեք չի մոռացվի՝ հրդեհ, ջրհեղեղ, երկրաշարժ մետրոյում, ինքնաթիռի կործանում, փլվող կամուրջ. այս ամենին ես ստիպված եղա ամենաանմիջական մասնակցությունն ունենալ: Ընդ որում, մուտքի համար վճարելով մոտ 120$, այցելուները հնարավորություն են ստանում ամենուր անցնել առանց հերթի՝ դա հաճելի է: Եթե պատրաստ եք սպասել՝ մոտ 60$ (Խորհուրդ. ձեզ հետ բերելով Coca Cola-ի թիթեղյա տարա՝ դուք ստանում եք 15% զեղչ): Իսկ երեկոյան, Universal Studio այցելելուց հետո, հաճելի կլինի լսել երիտասարդ ռոք-խմբերի փողոցային համերգը՝ նստած “HardRock Café”-ի բացօթյա տեռասայում:
