Ահա եւ եկավ Ամերիկայում իմ վերջին օրը, առավոտյան որոշեցի ԱՄՆ-ում գտնվելուս ավարտը նշանավորել Բրուքլինի կամրջի այցելությամբ։ Մի վայր, որտեղ ես նույնպես կցանկանայի լինել։ Ձեռքիս՝ տաք սուրճ, դանդաղ զբոսանք դեպի կամուրջ։ Անհավանական վեհություն, սեփական աչքերով տեսա նկարներից ծանոթ այդ հնագույն կամուրջը։ Կենտրոնի հետիոտնային ուղուց բացվում է Մանհեթենի հիասքանչ տեսարանը։ Թեեւ առավոտից զբոսաշրջիկները շատ էին, ես չզղջացի, որ մինչ օդանավակայան գնալը միայնակ եմ այցելել այնտեղ։ Ամեն քայլափոխի ես ավելի էի մոտենում Բրուքլինին, քայլեցի նրա մի մասով մինչեւ ինձ անհրաժեշտ մետրոյի կայարան՝ հետաքրքրությամբ զննելով շենքերի ճակատները եւ կողքով անցնող մեքենաները։
Ճամպրուկները հավաքված են, տաքսին կանչված։ Ուղիղ քսան րոպե անց մեքենան եկավ, եւ ես սլանում էի դեպի տուն՝ ավտոմեքենայի պատուհանից հրաժեշտ տալով ինձ սիրելի դարձած քաղաքին։ Տղամարդը ինձ հաջող թռիչք մաղթեց եւ արագ հեռացավ իր գործերով։ Իսկ ես... արդեն օդանավակայանում հիշում էի ամառը, բոլոր վերելքներն ու վայրէջքները։ Մի փոքր տխուր էր հրաժեշտ տալը, բայց ես ոչինչ չէի կարող փոխել։ Ինքնաթիռը արագություն էր հավաքում, պոկվելով գետնից... Նյու Յորքը կարծես ափի մեջ լիներ իր բազմաթիվ դեղին լույսերով։ Եվ ինչ-որ պատճառով այդ պահին հիշեցի Nautilus Pompilius-ի «Goodbye America» երգը։ Դա ստիպեց ինձ ժպտալ եւ հրաժեշտ տալ այն երկրին, որին ես այնքան սովորել էի 2014-ի ամռանը։
Հիշելով այս ամենը հիմա՝ ես կարող եմ միայն հսկայական շնորհակալություն հայտնել ծնողներիս, որոնք ինձ երկրորդ հնարավորություն տվեցին։ Իզուր չէ, որ այդ ամառը հավերժ կմնա իմ հիշողության մեջ։ Եվ կրկին դիտելով բազմաթիվ լուսանկարներ՝ ես կամաց երգում եմ այն մասին, որ գուցե մի օր ես վերադառնամ...
Փոքրիկ խորհուրդներ.
- Ձեզ հետ ավելորդ իրեր մի վերցրեք, եթե ինչ-որ բան պետք լինի, գնեք տեղում։
- Նախապես վերցրեք վարդակի անցում (ադապտեր)։
- Միացրեք ռոումինգը, եթե այնուամենայնիվ չեք պատրաստվում ամերիկյան SIM քարտ գնել։
- Ինտերնետ. Նյու Յորքում դրա հետ կապված խնդիրներ կան, Starbucks-ում 100 տոկոսով Wi-Fi կգտնեք։
- Փաստաթղթերը փորձեք պահել ձեզ մոտ։
- Սկզբնական շրջանում ավելի լավ է ձեզ հետ ունենալ մանր գումար։
Դե, կարծում եմ՝ սա այն ամենն է, ինչ ցանկանում էի պատմել, շնորհակալություն ուշադրության համար :)
