Ամենամութ գիշերը լուսաբացից առաջ է լինում։

Ես ամենեւին էլ խուճապի մատնվող մարդ չեմ, բայց նույնիսկ ինձ թվաց, որ ամեն ինչ կավարտվի՝ չսկսված։ Երեւի սա ծանոթ է Work and Travel USA ծրագրի յուրաքանչյուր մասնակցի։ Մոլորվածությունը, ակլիմատիզացիան, գումարի եւ պլանշետի մարտկոցի պակասը այնքան էլ չէին վախեցնում, որքան անորոշությունը։ Անորոշությունը այն մասին, թե ուր գնալ, երբ եւ ինչ անել, ինչպես վճարել կացարանի համար, որտեղից սնունդ գտնել եւ ինչ է սպասվում ինձ վաղը։

Ամեն ինչ անցնում է, եւ սա էլ անցավ։ Շատ արագ անցավ)

SSN-ը պատրաստ էր, բանկային քարտը բացված, առաջին աշխատավարձը ստացված եւ երկրորդ աշխատանքը գտնված։ Ամեն ինչ կարգավորվեց։

Խորհուրդ. Խնդրում եմ, ինչ էլ որ պատահի՝ հուսահատ մի՛ եղեք։ Ոչ դուք եք առաջինը, ոչ էլ վերջինը։ Ավելի լավ կլինի, ինքներդ կտեսնեք։