Իմ բնակության վայրի հարցում բախտս բերեց։ Դպրոցը տնից 20 րոպե հեռավորության վրա էր, այնպես որ առավոտյան կարողանում էի մի քիչ ավել քնել) Դպրոցում առաջին օրը ինձ դիմավորեցին շատ սիրալիր եւ բարեհամբույր աղջիկներ, որոնք, ինձ թվաց, թե բոլոր հնարավոր լեզուներով էին խոսում։ Անմիջապես ինձ ասացին, որ պետք է անցնեմ 20 րոպեանոց փոքրիկ թեստ։ Այդ թեստի եւ կրողի հետ հարցազրույցի արդյունքներով բոլոր ուսանողներին բաշխում են տարբեր խմբերի՝ ըստ անգլերենի իմացության մակարդակի (սկսնակից մինչեւ advanced)։ Բոլոր դասախոսները, որոնց ծանոթացա դպրոցում, շատ հետաքրքիր, ուրախ եւ խելացի մարդիկ էին։ Մեր Մեթյուն միշտ հետաքրքիր մրցույթներ էր հորինում, որպեսզի չձանձրանանք։ Ամեն աշխատանքային օր մենք ունենում էինք 2 դաս՝ մեկուկես ժամ տեւողությամբ։ Դասարանում 8 հոգի էինք, բայց մշտապես հաճախում էին միայն երեքը՝ խարիզմատիկ իտալացի Անդրեան, սիրուն ճապոնուհի Միսան եւ ես)