Ինչպես բոլորդ գիտեք, Լոնդոնը աշխարհի ճարտարապետական մայրաքաղաքն է։ Մի քաղաք, որտեղ ձանձրանալու ժամանակ հաստատ չեք ունենա) Վեստմինստերյան աբբայությունը, Վեստմինստերյան պալատի համալիրը՝ ժամացույցի աշտարակով, Սուրբ Պողոսի տաճարը, Թաուեր ամրոցը, աղավնիներով լի Տրաֆալգարյան հրապարակը՝ այս ամենը Մեծ Բրիտանիայի մայրաքաղաքն է։ Այնտեղ գնում են ճարտարապետությամբ հիանալու, Բրիտանական թանգարանի եւ Թեյթ պատկերասրահի սրահներով քայլելու, էքստրավագանտ անգլիական հագուստ գնելու եւ պարզապես կամրջից մշուշով պատված Թեմզան դիտելու համար։ Առնվազն մեկ թանգարան այցելելու համար ինձանից մի ամբողջ օր էր պահանջվում, երբեմն՝ ավելին։ Ես ապրում էի Հայդ պարկի մոտ եւ չէի կարող ինձ մերժել ամեն օր այնտեղ գնալու եւ կենդանիներին (թռչուններին եւ սկյուռիկներին) կերակրելու հաճույքը։ Լոնդոնի թանգարանները, բարեբախտաբար, գրեթե բոլորն անվճար են, բացառությամբ Մադամ Տյուսոյի, Շերլոկ Հոլմսի թանգարանի եւ Հարի Փոթերի ստուդիայի։ Անպայման արժե գնալ եւ դիտել Բուքինգհեմյան պալատի մոտ պահակախմբի փոփոխությունը։ Բայց մեզ չհաջողվեց լուսանկարվել ոչ Life Guard-ի, ոչ էլ բիֆիթերի հետ։ Անգլիական մայրաքաղաքի մնացած զվարճանքները հարվածում են գրպանին։ Լոնդոնյան աչքով պտտվելը արժե մոտ 30 ֆունտ (մոտ 42 դոլար)։ Աբբայություն էքսկուրսիան՝ մոտ 20 ֆունտ։ Բիգ Բենը՝ Լոնդոնի ձայնը, ճշգրիտ ժամանակը ցույց է տալիս 1859 թվականից։ 320 ֆուտ բարձրությամբ ժամացույցի աշտարակի շինարարությունը սկսվել է 1837 թվականին՝ թագուհի Վիկտորիայի գահակալության ժամանակ։ Այդ ժամանակ ընթանում էր 1834 թվականի հրդեհից տուժած խորհրդարանի շենքերի վերակառուցումը։ Ժամացույցի կոնստրուկտոր, ճարտարապետ եւ ժամագործ սըր Էդմունդ Գրիմթորփը մահացավ մինչեւ 13,5 տոննա կշռող զանգը ժամացույցի չորս սկավառակների հետեւում տեղադրելը, որոնցից յուրաքանչյուրի մակերեսը 23 քառակուսի ֆուտ է։
Ինչ վերաբերում է զվարճանքներին... Հաստատ արժե գումար ծախսել փաբ գնալու համար։ Որքան էլ տարօրինակ է, բրիտանացիները գիտեն՝ ինչպես զվարճանալ եւ հանգստանալ։ Իսկ եթե ուզում ես երեկոն տանը անցկացնել, նրանք պարզապես թույլ չեն տա դա անել։
Ի դեպ, հոսթելները ուսանողների համար իդեալական վայր են, հատկապես, եթե մենակ եք ճանապարհորդում։ Այնտեղ լիքը ուսանողներ կան, որոնք նույնպես աշխատանք կամ մշտական բնակության վայր են փնտրում։ Եթե չեք վախենում այլ մարդկանց հետ նույն սենյակում ապրելուց, ապա այս վայրը ձեզ համար է։ Եթե չի ստացվում ինտերնետով բնակարան ամրագրել, ոչինչ։ Դա կարելի է անել հենց տեղում։ Քաղաքով ման գալով՝ կգտնեք բազմաթիվ առաջարկներ ադեկվատ գնով։
Have fun, guys!
