Երկրագնդի վրա չկա մի մարդ, ով չսիրի ճանապարհորդել: Բայց գաղտնիք չէ, որ շատերի համար այդ երազանքը մղվում է վերջին պլան եւ դառնում ողջ կյանքի ընթացքում անհասանելի նպատակ: Նույնիսկ պատմության մեջ անջնջելի հետք թողած մեծ մարդիկ շատ են ճանապարհորդել: Այդ կերպ նրանք զարգացել են: Հետեւաբար, ճանապարհորդությունը բացում է մարդու զարգացման ուղին: Work and Travel ծրագիրը հիանալի հնարավորություն է ուսանողների համար: Այնպես որ, եթե վստահ եք ձեր ուժերին, կարող եք խոսել անգլերեն եւ բուհի ցերեկային բաժնի ուսանող եք, Ամերիկայի դռները բաց են ձեր առջեւ:
Կարեւոր հարց, որը հուզում է շատ ուսանողների. «Եթե գնամ այնտեղ, կկարողանա՞մ ծախսերս հանել»։ Ես այս հարցին կպատասխանեի այսպես. «Ամեն ինչ կախված է քեզնից: Եթե լավ աշխատես, լավ կվաստակես: Դրա համար պետք չէ ժամանակը զուր վատնել, պետք է երկրորդ աշխատանք գտնել: Եթե հնարավորություն կա, երրորդ աշխատանքն էլ ավելորդ չի լինի: Եթե չծուլանաս եւ աշխատես առանց օրենքը խախտելու, կարող ես ծախսած գումարը 2, նույնիսկ 3 անգամ ավելացնել: Մեկ աշխատանքի գումարը կծածկի միայն ծրագրի ծախսերը: Մեկ աշխատանքից ճանապարհորդության եւ գնումների համար գումար չի մնա»:
Այստեղ եւս մեկ գաղտնիք բացեմ. «Ամերիկայում երկրորդ աշխատանք փնտրելիս մտեք այնտեղ, որտեղ կան «Now hiring», «Help wanted» գրությունները, ինչպես նաեւ այնտեղ, որտեղ չկան, ասեք, որ աշխատանք եք փնտրում եւ լրացված դիմում թողեք: Պետք է առաջարկել ձեր թեկնածությունը բոլոր ռեստորաններին եւ հյուրանոցներին, որոնք կհանդիպեն ձեր ճանապարհին: Մեկը չէ, մյուսը կկանչի: Այնուհետեւ դիմումը լրացնելիս կա Social Security Card-ի համարը գրելու տեղ: Շատերը դատարկ են թողնում այդ տեղը, երբ ձեռքի տակ համար չունեն: Այդ տեղը երբեք չի կարելի դատարկ թողնել: Եթե ձեր սեփական համարը չունեք, պարզապես գրեք ցանկացած 9 նիշից բաղկացած համար՝ XXX-XX-XXXX ձեւաչափով: Օրինակ՝ 123-45-6789: Հետո, երբ ձեր սեփական համարը գա, կարող եք ներողություն խնդրել ղեկավարից՝ ասելով, որ սխալվել եք, եւ գրել ճիշտ համարը: Իսկ երբ ղեկավարը հարցնի՝ ունե՞ք Social Security Card, պետք է պատասխանել, որ ունեք: Եթե խնդրեն ցույց տալ, կարող եք ասել՝ «Այո, վաղը կբերեմ», իսկ հաջորդ օրը ասել, որ «մոռացել եք», եւ այդպես ձգձգել 2-3 օր: Այդ ընթացքում ձեր սեփական համարն էլ կգա»:
Ես Ամերիկայում ապրել եմ 4 ամիս 3 օր: Ես միայնակ եմ գնացել: Դուք միայնակ մի գնացեք: Ավելի լավ է գնալ գոնե 2 հոգով, իսկ եթե հնարավոր է՝ զույգով: Հակառակ դեպքում կքայլեք ինձ պես եւ կաղաչեք յուրաքանչյուրին. «Can you take my picture? Can you take my picture?»: Ոմանք լավ կնկարեն, ոմանք՝ ոչ: Այս ամենի վրա ժամանակ է ծախսվում: Իսկ ժամանակը մեր կյանքն է: Այն սլանում է մեր աչքի առաջ: Հետեւաբար, մենք պետք է հասցնենք հնարավորինս շատ բան անել: Այնպես որ, տանը մի ծուլացեք, կապ հաստատեք InterExchange-ի հետ եւ գտեք ձեր ուղին:
P.S. Եվս մեկ բան՝ ձեր կյանքը ձեր ձեռքերում է: Հարյուր անգամ լսելուց ավելի լավ է մեկ անգամ տեսնել: Եվ Ամերիկայում գտնվելիս երբեք մի գնացեք գողության կամ այլ հանցագործության: Գողության վերջը՝ նվաստացում: Հանցագործության վերջը՝ պատիժ:
