Եվս մի քանի բան, որ կցանկանայի իմանալ նախապես.
-
Ես սիրում եմ Չիկագոն: Ես սիրում եմ Չիկագոն կյանքից ավելի, ավելի շատ, քան Օրհան Փամուկին եւ դարչինը, սիրում եմ մարդկանց, աստված իմ, եթե հարցնեք, թե ինչ նվիրել ինձ Սուրբ Ծննդին, ես կասեմ՝ Չիկագոն: Չիկագոյում իմ առաջին օրը ես մանգո կերա՝ նույնիսկ չկասկածելով, թե որքան ուժեղ ալերգիա ունեմ դրա նկատմամբ: Արդյունքում՝ ամբողջ օրը պառկեցի հոսթելում՝ գրկած ծնկներս եւ աստիճանաբար մարելով: Հետեւություն՝ փորձարկիր, բայց կողքիդ ունեցիր կատալիզատոր (պարզ ասած՝ դեղեր պաշարիր):
-
Մեծ քաղաքների օդանավակայան ժամանիր երկու ժամ շուտ (ոչ թե մեկ ժամ, ինչպես շատերն են խորհուրդ տալիս): Ես գրեթե մնացի Մայամիում միայն այն պատճառով, որ երկուսուկես ժամ կանգնեցի Security line-ում:
-
Dunkin Donuts – փորձի՛ր: Դա համեղ է:
-
Գնի՛ր ամերիկյան SIM-քարտ: Դրանք ամենեւին էլ թանկ չեն, փոխարենը դու քեզ ապահով կզգաս՝ իմանալով, որ ցանկացած պահի կարող ես զանգահարել:
-
Թերեւս, եթե գնալու ես, ապա ամբողջ ամառվա համար: Եթե պլանավորում ես քեզ լցնել փորձով մինչեւ եզրերը, մեկ ամիսը (եւ նույնիսկ երկուսը) բավարար չի լինի:
