Ընկերնե՛ր, ահա եւ ավարտվեց մեր երկար ու հուզիչ ճանապարհորդությունը Միացյալ Նահանգներով: Հիանալի կլիներ ամբողջությամբ ընդգրկել այս հսկայական երկիրը՝ իր գեղեցկագույն քաղաքներով ու այգիներով: Բայց ես ուզում եմ ձեզ հետ կիսվել իմ անձնական տպավորություններով այն վայրերից, որտեղ մեզ հաջողվեց լինել:
Ուզում եմ սկսել նրանից, որ սա իմ առաջին եւ արդեն իսկ այսքան մեծածավալ ուղեւորությունն էր արտասահման: Իհարկե, կային հուզմունքներ ու անհանգստություններ, որոնք արագ ցրվեցին այն օրը, երբ մենք, ուրախ հույզերով լեցուն, եւ ամենակարեւորը՝ գիտակցելով, որ անցել ենք հարցազրույցը, դուրս եկանք ԱՄՆ դեսպանատնից: Այո՛, մենք թռչում ենք Ամերիկա:
Այսպիսով, վիզաները բացված են, տոմսերը գնված, ճամպրուկները հավաքված, եւ մենք պատրաստ էինք սկսել նվաճել երկիրը: START
Մեր ճամփորդությունը սկսվեց Մեն նահանգում գտնվող Օգանկվիտ փոքրիկ զբոսաշրջային քաղաքից, որտեղ մենք անցկացրեցինք երեք կախարդական ամիս:
Ամեն օր մեզ հաճույք էր պատճառում զբոսնել այս հարմարավետ քաղաքի փողոցներով: Այստեղ, ինչպես, ի դեպ, այլ քաղաքներում, ուր մենք գնացինք հետո, յուրաքանչյուր պատահական անցորդից կարող եք լսել կարճ, բայց այնքան հաճելի արտահայտություններ, ինչպիսիք են՝ "Hi, my darling!", "No problem", "Have a good day!", "Have a fun", "Feel free", "Enjoy!", "Stay cool!", որոնք լիցքավորում են պոզիտիվով ամբողջ օրվա համար: Չի կարելի նաեւ ուշադրություն չդարձնել ամերիկյան իդեալական խնամված նախշավոր սիզամարգերին
եւ յուրաքանչյուր տան յուրօրինակ ճարտարապետությանը,
որին մենք ծանոթ ենք միայն ֆիլմերից:
Բայց մեր ուշադրության էպիկենտրոնում 
, ինչպես կարելի է կռահել քաղաքի աշխարհագրական դիրքից
, Ատլանտյան օվկիանոսն էր, որն իր մեջ պահում է բազմաթիվ գաղտնիքներ, պատմություններ եւ հանելուկներ:
Եվ կարելի էր անվերջ հիանալ կաթնային փրփուրի ժանյակներով շրջանակված վառ կապույտ ալիքների հեքիաթային տեսարանով, որոնք սլանում էին դեպի ափ հանդիպակաց քամու ժամանակ
, խորհրդավոր եւ ձգող հեռուներով, վայելել թարմ եւ միեւնույն ժամանակ աղի օդը եւ նայել դողացող կապույտին՝ գտնելով մոտակայքում թռչող ճայերի նուրբ ուրվագծերը: Այս ամենը, անկասկած, ուրախացնում էր աչքը:
Այստեղ մեզ հաջողվեց համտեսել լոբստեր:
Իսկ հետո եղան անվերջ զբոսանքներ քաղաքի տեսարժան վայրերով՝ հայտնի Marginal Way եւ Perkins Cove, որտեղից բացվում էր օվկիանոսի գեղեցիկ տեսարան:
Այս քաղաքում կան բազմաթիվ հնաոճ իրերի խանութներ, որոնց այցելելուց հետո տպավորություն է ստեղծվում, որ դու գտնվում ես թանգարանում:
Այստեղ մենք առաջին անգամ հնարավորություն ունեցանք շփվել ամերիկյան մշակույթի հետ՝ դիտելով Էլվիս Փրեսլիի կյանքի մոտիվներով մյուզիքլը, որտեղ մյուզիքլին բնորոշ էներգիան փոխանցվում էր ջազի ռիթմերի հետ միասին
Մենք նաեւ այցելեցինք քաղաքի շրջակայքում գտնվող բոլոր պատկերասրահները
եւ վայելեցինք ժամանակակից ամերիկյան արվեստի հիանալի գլուխգործոցները:
Բայց աննկատ եկավ աշունը
, իսկ առջեւում մենք դեռ շատ ծրագրեր ունեինք: 
Շատ ցավալի էր բաժանվել այս գեղեցիկ եւ հարմարավետ քաղաքից, մեր նոր ընկերներից... Չնայած նրան, որ սեպտեմբերի կեսերն էր, Օգանկվիտի փողոցներն արդեն լցված էին Հելոուինի մթնոլորտով:
Արդեն միայն նարնջագույն բանջարեղենը տեսնելիս մենք տոնական տրամադրություն էինք զգում:
Ահա այսպիսին մնաց մեզ համար Օգանկվիտը՝ քաղաք, որը ստեղծում է հարմարավետ եւ ռոմանտիկ իդիլիա:
Մեր առաջին կանգառը հրաշալի Պորտլենդ քաղաքն էր՝ հայտնի գրող Սթիվեն Քինգի հայրենիքը:
Սա իսկապես Ամերիկայի ամենականաչ քաղաքներից մեկն է
, ժամանակակից եւ շարժումով լի մեգապոլիս:
Պորտլենդի ճարտարապետությունը ներառում է մի շարք հիանալի շենքեր եւ ոճերի լայն շրջանակ: Այնտեղ է գտնվում նաեւ աշխարհահռչակ International Rose Test Garden-ը: 
Այնուհետեւ մենք ուղեւորվեցինք Բոստոն: Մետրոյով առաջին ուղեւորությունը դեպի Հարվարդի համալսարան էր: Կարմիր աղյուսից հին շենքերը՝ փորագրված կամարներով, ուրախացնում էին աչքը: Եվ համալսարանի այգու տարածքում սկյուռիկներ հանդիպելը բոլորովին էլ դժվար չէ:
Զբոսնելով Բոստոնի փողոցներով՝ մենք վայելում էինք Նոր Անգլիային բնորոշ ճարտարապետությունը: Ընդհանուր առմամբ, Բոստոնը մեծ պատմություն ունեցող քաղաք է, որը կարեւոր դեր է խաղացել ԱՄՆ անկախության պատերազմում: Մեզ հաջողվեց լինել բազմաթիվ պատմական վայրերում⏳
Արեւոտ օրերը մենք անցկացնում էինք շքեղ զբոսանավերով հարմարավետ ծովախորշերի երկայնքով:
Մենք էքսկուրսիա վերցրինք կետերին դիտելու համար) Դա անմոռանալի էր: Լողալ դեպի ձգող հեռուները, խիտ մառախուղի միջով, վայելելով օվկիանոսի անծայրածիր տարածությունները
Բոստոնից մենք թռանք Բուֆալո՝ սեփական աչքերով տեսնելու բնության հրաշքը՝ Նիագարայի ջրվեժը!!! Պարզապես տպավորիչ զգացողություն անհավանական գեղեցկությունից:
Ուժ եւ հզորություն. այս բառերն են ասոցացվում Նյու Յորքի հետ: Լեգենդ-քաղաք, որն արդարացնում է բոլոր սպասելիքները
One World Observatory, Central Park, Թայմս Սքվեր, Բրուքլինի կամուրջը եւ, վերջապես, աշխարհահռչակ Ազատության արձանը: Դրա շնորհիվ մեզ հաջողվեց զգալ քաղաքի ռիթմը: Գիշերային եւ բավականին հաճախակի ուղեւորությունները դեղին տաքսիով օգնեցին մեզ եւս մեկ անգամ համոզվել, որ Նյու Յորքը երբեք չի քնում: Այժմ վստահությամբ կարելի է ասել, որ մենք մեր համար բացահայտեցինք Ամերիկան: Սրանք նոր տպավորություններ են, հույզերի ծով, նոր ընկերներ, նոր հնարավորություններ!!!
Մաղթում եմ ծրագրի ապագա մասնակիցներին իրականացնել իրենց երազանքները!!! Համարձակվե՛ք:
