Work and Travel ծրագրում ամեն ինչ հիանալի է թվում՝ նոր տպավորություններ, անծանոթ մշակույթի հետ ծանոթություն, իսկ ոմանց համար՝ ճանապարհորդելու կամ աշխատելու առաջին փորձը։ Բայց եկեք անկեղծ լինենք, եւ ես հատկապես դիմում եմ նրանց, ովքեր արդեն զգացել են այս ամենը. եղե՞լ են պահեր, երբ ուզում էիր վազել օդանավակայան եւ ճամպրուկը ձեռքիդ առաջին իսկ չվերթով տուն գնալ։ Իսկապե՞ս ոչ։ Կամ գոնե դուրս վազել աշխատավայրից՝ «Ցտեսություն» գոռալով մենեջերիդ/ղեկավարիդ կամ գործընկերներիդ։

Ինչո՞ւ։

Որովհետեւ՝

A) քեզ թվում է, որ քո ջանքերը չեն գնահատում;

B) քեզ թվում է, որ բավարար չես վաստակում;

C) քեզ թվում է, որ ղեկավարդ քեզ չի սիրում;

D) ամբողջ կոլեկտիվը քո դեմ է;

E) դու ատում ես այն, ինչ անում ես։

ՈՒՇԱԴՐՈՒԹՅՈՒՆ։ Քո ախտորոշումը նույնպես բաժանվում է տարբերակների՝

A) դու նոր ես ժամանել եւ սկսվել է հարմարվելու շրջանը;

B) դու դեռ չես ստացել առաջին աշխատավարձը եւ թվում է, թե սնանկ ես;

C) դեռ չես հասցրել ընկերներ ձեռք բերել եւ շատ ժամանակ ես անցկացնում միայնության մեջ;

D) առաջին անգամ ես աշխատում եւ սովոր չլինելուց շատ հոգնել ես;

E) ԿԱՆԳ ԱՌ։ Եթե վերոնշյալներից ոչինչ չի համապատասխանում, ապա, կարծես թե, իսկապես խնդիրներ կան...

Ձեր թույլտվությամբ, որպես մարդ, ով ԱՄՆ-ում երեք տարվա աշխատանքի ընթացքում անցել է վերոնշյալ բոլոր պատմությունների միջով, կկիսվեմ ձեզ հետ, թե ինչ էի ես ձեռնարկում։

Խորհուրդ No1. Էմոցիաների ազդեցության տակ գործեր մի արեք։ Հատկապես դիմում եմ աղջիկներին, որոնց աչքերին կրիտիկական իրավիճակներում արցունքներ են գալիս։ Ներշնչեք՝ արտաշնչեք։ Հիմա եկեք միասին «ոչ» ասենք շտապողական որոշումներին։ Իսկապես արժե քնել խնդրիդ հետ, իսկ հետո եզրակացություններ անել։ Ամերիկայում ղեկավարության հետ խնդիրը լուծվում է անմիջապես մենեջերի/ղեկավարի հետ։ Հաճախ նրանք հասկանում են, կամ նույնիսկ նախապես պատրաստ են, որ մենք՝ J-1 ուսանողներս, վաղ թե ուշ կհայտնվենք սթրեսային իրավիճակում։ Տեղեկացրեք ձեր մենեջերին այն մասին, ինչը ձեզ անհանգստացնում է։ ԲԱՅՑ։ Նրա մոտ «արցունքներով» եւ հիստերիկ պոռթկումներով վազել պետք չէ։ Հենց հաջորդ առավոտը՝ խնդիրը գիտակցելուց հետո, իդեալական կլինի։ Հավատացեք ինձ, ձեզ կլսեն։

Խորհուրդ No2. Ժամանակն է զվարճանալու/շեղվելու/ընկերանալու։ Միգուցե դուք ինքներդ եք ձեզ այդ վիճակի մեջ դրել։ Գիտեք, լինում է, որ մտածում ես եւ միանգամից տխրում։ Այդպես մի արեք։ Բռնվեք օվկիանոսից այն կողմ եղած յուրաքանչյուր հնարավորությունից։ Դուք ունեք 4 ֆանտաստիկ ամիս՝ այս երկրով ներշնչվելու համար։ Առաջ։ Տխրելու կարիք չկա։ Տրամադրության փոփոխությամբ դուք անմիջապես կնկատեք, որ աշխատանքի վայրում հորինված կամ ուռճացված խնդիրները ձեզ այլեւս չեն անհանգստացնի։

Գործընկերներիս հետ իմ թյուրիմացությունը անմիջապես ավարտվեց լողափ գնալուց եւ փոքրիկ պիկնիկից հետո։ Իմ մենեջերը, սեզոնի սկզբից առաջ մեզ բոլորիս ընկերացնելու մտադրությամբ, որոշեց հենց այդպես վարվել։

Աշխատեց 100%-ով։

Խորհուրդ No3. Այս խորհուրդը կայանում է նրանում, որ դուք եւս մեկ անգամ աչքի անցկացնեք վերեւում նշված կետերը։ Խնդրում եմ։

Խորհուրդ No4. Լավ, եթե գործը իսկապես լուրջ է, ապա այստեղ ոչ նոր ընկերները, ոչ էլ մենեջերի ըմբռնումը չեն փրկի իրավիճակը։ Դուք ամեն ինչ լավ մտածում եք, հավաքում եք մտքերը եւ հասանելի կերպով ձեւակերպելով ձեր ապրումները՝ զանգահարում եք մեր սիրելի հովանավորին։ (Նրանց համբերության եւ անշահախնդիր օգնության համար հսկայական շնորհակալություն։) Այս կամ այն կերպ, ձեզ եւ ձեր խնդրի լուծմանը հենց այնտեղ կտան ճիշտ ՈՒՂՂՈՒԹՅՈՒՆ։

Պետք չէ անմիջապես 180 աստիճանով շրջվել։

Գլխավորը հիշելն է, որ անելանելի իրավիճակներ չկան եւ չեն կարող լինել։ Չափազանց երկար ճանապարհ եք անցել, որպեսզի պարզապես վերցնեք եւ հետ դառնաք։

Սա պետք է հաղթահարել, եւ դա կփոխհատուցվի։

P.S. այս բլոգի բոլոր լուսանկարները պատկանում են հեղինակին (Իվանովա Վիոլետտա)։ Ավելի շատ լուսանկարներ կարելի է տեսնել Instagram-ում - ճանապարհորդում ենք աշխարհով մեկ միասին (@vi_r_traveling)։