Մաս 3. Շոփինգ։

Ես գիտեի, թե ինչի եմ գնում, ուստի ինձ հետ վերցրեցի հսկայական, գրեթե դատարկ ճամպրուկ։ Հայանիսում կա հսկայական առեւտրի եւ զվարճանքի կենտրոն՝ «The City Mall»-ը։ Հենց այնտեղ կարելի է ինքներդ ձեզ, ծնողների եւ ընկերների համար բրենդային իրեր գնել ցածր գներով։ Ամեն անգամ ես ինքս ինձ կրկնում էի. «միայն թե կարողանամ տուն հասցնել»։ Աշխատավարձի կեսը այնտեղ թողնելը շատ հեշտ է։

Ամերիկայում առցանց խանութները շատ զարգացած են։ Դա անչափ հարմար է, եւ ընտրանին միշտ ավելի մեծ ու լավն է, քան սովորական խանութներում։ Կարելի է պատվիրել այն ամենը, ինչ ցանկանում եք։ Ապրանքը գալիս է ձեր նշած հասցեով, եւ մեկ շաբաթից պատվերը ձեր ձեռքում է։ Իսկ ինչքան զեղչեր կան։ Օ՜։

Ուզում եմ միանգամից զգուշացնել, մի՛ կրկնեք մեր սխալը։ Նյու Յորքում սեպտեմբերի սկզբին բացարձակապես ոչ մի զեղչ չկա։ Այնպես որ, ամեն ինչ պատվիրեք եւ գնեք նախապես։