Պատմեմ ձեզ ավելի մանրամասն իմ աշխատանքի մասին։ Ուզում եմ ասել, որ աշխատանքի հարցում ինձ ակնհայտորեն բախտ է վիճակվել։ Ես աշխատում էի որպես վաճառողուհի մի փոքրիկ հուշանվերների խանութում, որտեղ ինձ մոտով անցնում էին ԱՄՆ-ի բոլոր անկյուններից եկած բազմաթիվ զբոսաշրջիկներ։ Կոլեկտիվը շատ փոքր էր եւ շատ ընկերասեր։ Ինձ շատ հարմարավետ էի զգում, չնայած նրան, որ սկզբում ես միակ օտարերկրյա ուսանողն էի, որն աշխատում էր այնտեղ։ Ամռան կեսին եկան եւս 2 աղջիկներ։ Աշխատանքը բնավ դժվար չէ, աշխատավարձը՝ պատշաճ, շաբաթական ժամերը տալիս են հենց այնքան, որքան պետք է, նույնիսկ ավելին։ Ինչո՞վ չէ հաճույք աշխատելը՝ առանց ձեռքերը կեղտոտելու, եւ միաժամանակ շփվել այսքան շատ մարդկանց հետ։
Դաս թիվ 2 - երբեք մի վախեցեք պաշտպանել ձեր իրավունքները աշխատավայրում։ Պատմեմ մի իրավիճակ, որը տեղի է ունեցել ինձ հետ։ Բանն այն է, որ այն ընկերությունում, որտեղ ես աշխատում էի, իմ քաղաքում կար 2 խանութ, բայց պայմանագրով ես պետք է աշխատեի միայն մեկում։ Քանի որ որոշ ժամանակ նրանց անձնակազմը չէր բավականացնում, ես աշխատում էի եւ՛ մեկում, եւ՛ մյուսում։ Եվ, վերջապես, դա ինձ հոգնեցրեց։ Խանութներից մեկում վաճառողուհիներից մեկի հետ հարաբերություններս միանգամից չստացվեցին... Տպավորություն կար, որ նա անընդհատ մրցակցում է ինձ հետ եւ թույլ չի տալիս հանգիստ աշխատել։ Վերջ ի վերջո, ես այդ մասին հայտնեցի նախ իմ մենեջերին, իսկ նա, պարզապես աշխարհի ամենալավ մենեջերն է, անմիջապես հայտնեց այդ մասին տիրուհուն եւ կանգնեց իմ պաշտպանությանը։ Արդյունքում, մեզ հավաքեցին, մենք արտահայտեցինք մեր բոլոր դժգոհությունները, եւ ես սկսեցի աշխատել միայն այն խանութում, որտեղ պետք է աշխատեի։ Իսկ ամենահետաքրքիրն այն է, որ ամեն ինչից հետո ես ստացա փոքրիկ առաջխաղացում եւ, համապատասխանաբար, ավելի բարձր աշխատավարձ։
Ինչի՞ համար եմ այս ամենը ասում։ Ես ոչ մեկ անգամ եմ ականատես եղել, որ գործատուները չեն գնահատում իրենց օտարերկրյա աշխատողներին, որ անհարգալից են վերաբերվում նրանց։ Եթե հանկարծ ինչ-որ մեկի հետ նման բան պատահի, ուզում եմ, որ դուք ձեռքերը ծալած չնստեք, որ հիշեք, որ դուք ունեք իրավունքներ, եւ ամեն ինչ ինքնահոսի չթողնեք։ Դուք ինքներդ եք կառուցում ձեր լավագույն ամառը։
ԱՄՆ-ում այս աշխատանքի շնորհիվ ես ձեռք բերեցի մարդկանց հետ շփվելու, պատասխանատվության հսկայական փորձ եւ նույնիսկ դարձա ավելի ինքնավստահ։ Այս փորձը հիմա ողջ կյանքի համար է...
