Հավանաբար բոլորդ լսել եք, որ Ամերիկայում շատ են ավելորդ քաշ ունեցող մարդիկ։ Դա իսկապես այդպես է։ Պատճառը մատչելի գներով առողջ սննդի բացակայությունն է, ինչպես նաեւ արագ սննդի (ֆաստ-ֆուդ) վնասակարության մասին անիրազեկությունը։ Ամերիկացիների համար կալորիական կիսաֆաբրիկատները, համբուրգերները, ֆրին եւ նագեթսները հիմնական սնունդ են։ Մեզ մոտ՝ Ռուսաստանում, եփած հավը համարվում է օգտակար սնունդ, իսկ նրանց մոտ դա փոխարինում են նագեթսները։

Հիշում եմ՝ մի անգամ աշխատում էի այգու մանկական գոտում, որը սրճարանի կողքին էր, եւ մի հայր ու որդի էին նստած։ Տղամարդը ստիպում էր տղային ֆրի եւ նագեթսներ ուտել, երբ հանկարծ նա շրջվեց դեպի ինձ եւ ասաց. «Աղջիկ ջան, դե բացատրեք իմ երեխային, որ հավը բանջարեղենով անչափ օգտակար է առողջության համար»։ Այսինքն՝ ենթադրվում է, որ ֆրին օգտակար բանջարեղեն է, որն անհրաժեշտ է մանկական օրգանիզմին։

Հենց ժամանեք ԱՄՆ, փորձեք տեղական ֆաստ-ֆուդը։ Այն անկասկած տարբերվում է մերինից։ Նույնիսկ եթե վերցնեք Subway-ի մի չափաբաժին, որը լավաշի մեջ է, էական տարբերություն կա։ Բայց իմ խորհուրդը ձեզ՝ մի տարվեք դրանով։ Վիտամիններ, ինչպես գիտենք, գրեթե չկան։ Իմունիտետը ակնթարթորեն ընկնում է, եւ այստեղից սկսվում են ամեն տեսակ հիվանդություններ։ Իսկ բուժվելն այստեղ օ՜, ինչքան թանկ է։

Մի խնայեք սննդի վրա։ Ավելի լավ է ավելորդ անգամ ծախսել եւ գնել մրգեր ու օրգանական կաթնամթերք։ Նաեւ շատ եմ խորհուրդ տալիս Tasty Buffet սրճարանը, որը գտնվում է 228 MA-28, West Yarmouth հասցեում։ Սա շվեդական սեղան է չինական խոհանոցով, որի մեջ ներառված են եւ՛ տարբեր տեսակի մսեր, եւ՛ կարտոֆիլ, եւ՛ բանջարեղեն, եւ՛ աղցաններ, եւ՛ մրգեր, եւ՛ ծովամթերք, եւ, իհարկե, շատ համեղ քաշովի պաղպաղակ։ Մուտքը՝ 13$, գումարած 2$ ըմպելիքի համար, որը ձեզ կլցնեն այնքան անգամ, որքան կուզեք։ Դա իսկապես արժե։

Մեզ շատ փրկեցին տնից բերված ձավարեղենի, մակարոնեղենի եւ ապուրների պաշարները։ Քանի որ այնտեղ, որտեղ մենք ապրում էինք, կար սալօջախ եւ միկրոալիքային վառարան, մենք կարող էինք առանց խնդրի պատրաստել մեզ համար դրանցից որեւէ բան։ Կաթսա կարելի է ձեռք բերել տեղական խանութներում մոտ վեց դոլարով։ Այնպես որ, նկատի ունեցեք։