Ամերիկայում մեր առաջին աշխատանքը ռեստորանում էր։ Մենք աշխատում էինք որպես բասերներ (մատուցողների օգնականներ)։ Միացյալ Նահանգներում որոշ ժամանակ անցկացնելուց հետո մենք հասկացանք, որ ցանկանում ենք երկրորդ աշխատանք գտնել։ Եվ մեզ հաջողվեց դա անել շատ արագ։
Թերթելով հայտարարությունների հայտնի craiglist.org կայքը՝ ես գտա թափուր աշխատատեղեր Dunkin’ Donuts-ում։ Ես անմիջապես կապ հաստատեցի գործատուի հետ, եւ մենք պայմանավորվեցինք հանդիպել արդեն 3 օրից։ Հանդիպելով եւ քննարկելով բոլոր նրբությունները՝ մենք եկանք այն եզրակացության, որ նա շուտով հայտ կուղարկի InterExchange, այնուհետեւ մենք պետք է հաստատենք job offer-ը նույն տեղում։ Կատարելով բոլոր ձեւականությունները եւ ստանալով InterExchange ծրագրի հովանավորի հավանությունը՝ մենք սկսեցինք աշխատել արդեն մեկ շաբաթ անց։ Մեր պաշտոնը կոչվում էր crew member։ Վերջնական տարբերակում՝ թրեյնինգներն անցնելուց հետո, մեր պարտականությունների մեջ մտնում էին՝ սուրճի եւ սենդվիչների պատրաստում, պատվերների ընդունում եւ տրամադրում, դրամարկղի հետ աշխատանք, աշխատավայրը մաքուր եւ կոկիկ պահելը։ Ժամավճարը կազմում էր 12$ ժամում։ Ի դեպ, սա 2019 թվականի համար Մասաչուսեթս նահանգի նվազագույն դրույքաչափն է, այսինքն՝ գործատուները իրավունք չունեն 12$-ից ցածր դրույքաչափ սահմանել, իսկ ավելի բարձր՝ կարող են :)
*ԽՈՐՀՈՒՐԴ ԱՊԱԳԱ ՄԱՍՆԱԿԻՑՆԵՐԻՆ. եթե դուք ընտրել եք Self-arranged ծրագիրը, եւ ձեզ սպասվում է աշխատանքի ընտրություն, ապա հնարավորության դեպքում հիմնվեք 11-12$ նվազագույն դրույքաչափ ունեցող նահանգների վրա, քանի որ հարկերը հանելուց հետո «մաքուր» աշխատավարձը կկազմի 9,8-10,8$։ Ամենաբարձր նվազագույն աշխատավարձ ունեցող նահանգներից են՝ Մասաչուսեթս, Արիզոնա, Մեն, Վաշինգտոն, Օրեգոն, Նյու Յորք նահանգ (բայց պետք է հաշվի առնել, որ Նյու Յորքում բնակարանը նույնպես ամենաէժանը չէ), Կոլորադո, Կալիֆոռնիա։ Ամերիկայում ամենացածր նվազագույն աշխատավարձերը Ջորջիա (ժամում 5,1$) եւ Վայոմինգ (ժամում 5,15$) նահանգներում են։
