Ամենահայտնի սոցիալական ցանցը SNAPCHAT-ն է: Ոչ թե Instagram-ը, ոչ թե Facebook-ը, այլ հենց Snapchat-ը: Եվ երբ հարցնում ես, թե ինչ եք նկարում ամեն անգամ, պատասխանում են. «Everything!!»: Ե՞րբ է մեզ մոտ անցել Snapchat-ի մոդան: 2015-ի՞ն:
Ամերիկացի ուսանողների համար նորմալ է ակադեմիական արձակուրդ վերցնելը: Նույնիսկ հիանում են դրանով, ասում են՝ «ապրես, ուզում ես գումար վաստակել/ճամփորդել»: Մեզ մոտ քեզ կնայեն անհասկացող դեմքով եւ կհարցնեն՝ արդյո՞ք խնդիրներ ունես:
Հնդկաձավար չկա: Ոչ մի տեղ: Այն նույն «նիհարելու» մթերքը, որով կարելի էր ազատել յուրաքանչյուր երրորդ ամերիկացուն ճարպակալումից, բացակայում է: Ժամանակն է բիզնես անել եւ Բելառուսից բերել:
Գրեթե յուրաքանչյուրը 16 տարեկանից աշխատում է: Ընդունված չէ ծնողների վզին նստել:
Ներողություն խնդրելը: Կամ նրանք այնքան կուլտուրական են, կամ իսկապես ամաչում են, կամ էլ դա պարզապես սովորություն է՝ ամերիկացիները անընդհատ ներողություն են խնդրում: Հասնում է նրան, որ դու պարզապես քայլում ես ընդհանուր միջանցքով, որը հանգիստ տեղավորում է 2 հոգու, բայց նրանք կարծես վախենում են քեզ հետ չշրջանցվել եւ սկսում են ներողություն խնդրել: Երբեմն դա շատ քաղցր է, իսկ երբեմն մտածում ես՝ գուցե դու՞ ես ինչ-որ բան սխալ արել:
Ինչպես Մեծ Բրիտանիայում, այստեղ էլ չափման այլ միավորներ են՝ ոչ թե կիլոգրամներ, այլ ֆունտներ, ոչ թե կիլոմետրեր, այլ մղոններ: Եվ երբ, ենթադրենք, մեքենայով գնում ես, արագաչափը ցույց է տալիս 40, իսկ դու սլանում ես հեպարդի արագությամբ, միանգամից հիշում ես, որ գտնվում ես ԱՄՆ-ում:
