Օրվա մեծ մասն անցկացրինք ճանապարհին, բայց հասցրինք այցելել աներեւակայելի գեղեցիկ մի վայր (չհաշված ուտելու համար կանգառները): Մենք Լոս Անջելեսից գնում էինք Սան Ֆրանցիսկո:

Թեեւ քարտեզի վրա ամեն ինչ շատ մոտ է թվում, բայց ճանապարհը մեզանից խլեց մոտ 8 ժամ:

Իմ սպասելիքներին հակառակ՝ այս երկու քաղաքների կլիման շատ է տարբերվում: Ջերմաստիճանը 32 աստիճանից իջավ 21-ի: Կապույտ երկնքի փոխարեն անվերջ ամպեր էին լողում, եւ մենք մտածում էինք, որ պարզ եղանակ մեզ չի սպասվում:

Ճանապարհին մենք անցանք չափազանց գեղատեսիլ մի վայրով՝ 17-mile Drive: Այն հայտնի է նրանով, որ հանդիսանում է ավտոմոբիլային զբոսաշրջային երթուղի, որի մեծ մասն անցնում է Խաղաղ օվկիանոսի ափով, ինչպես նաեւ Կալիֆոռնիայի Պասիֆիկ Գրոուվ եւ Պեբլ Բիչ քաղաքների հայտնի գոլֆի դաշտերի եւ թանկարժեք տների կողքով: Սա Կալիֆոռնիայի առաջին մասնավոր (!) ճանապարհն է:

Ճանապարհի գլխավոր տեսարժան վայրը միայնակ նոճին է՝ աղից քայքայված մի ծառ, որը Պեբլ Բիչ քաղաքի պաշտոնական խորհրդանիշն է եւ այս տարածքից հեռարձակվող հեռուստահաղորդումների հաճախակի հանդիպող էկրանապահը:

Ցավոք, մինչ այդ պահը Մատվեյի հետ արդեն հասցրել էինք խաղալ հեռախոսով եւ լիցքաթափել այն, այնպես որ ստիպված կլինեք հավատալ ինձ խոսքին))