Grand Canyon-ը, Antelope Canyon-ը եւ Horseshoe Bend-ը մեր ճանապարհորդության հաջորդ կանգառներն էին։

Յուրաքանչյուր կիրճ յուրովի հիասքանչ է, բայց դրանք ստեղծելու համար մայր բնությանը պահանջվել են նույն ռեսուրսները՝ ջուր, ավազ, քամի եւ երկար տարիներ, որոնց շնորհիվ մենք կարող ենք դիտել ամենահետաքրքիր եւ հմայիչ տեսարանները։

Հատկապես, երբ կանգնած ես եզրին, զգում ես բնության ողջ հզորությունն ու ուժը։

Եվ այն այնքան անկրկնելի է, որ դու չես կարող գտնել երկու նույնական կադր՝ դրանցից յուրաքանչյուրը եզակի է։

Բառերով չես նկարագրի, լուսանկարներով չես փոխանցի։ Պետք է պարզապես ինքդ զգաս։

Antelope Canyon-ը պատահական չէ, որ այդպես է կոչվում։ Նախկինում այնտեղ այծքաղներ էին վազվզում։ Նաեւ հետաքրքիր է, որ եթե չիմանաս, որ այս կիրճը գտնվում է գետնի տակ, այն չես գտնի։

Այն այնքան աննկատ է (ինչպես ճեղք գետնի մեջ), որ ավելի է գրավում։