Բացի այդ քաղաքներից, ես եղել եմ նաեւ Լոս Անջելեսում, Լաս Վեգասում, Բալթիմորում եւ Դենվերում։ Դրանց մասին արագ կպատմեմ եւ կառանձնացնեմ ամենակարեւորը։

Արեւմուտք մեկնելիս տուր մի գնեք։ Եթե ինքնուրույն եք ճանապարհորդում, ապա՝

• խնայում եք գումար

• ինքներդ եք կարգավորում ժամանակը, իմ դեպքում այն չափազանց քիչ էր։ Յուրաքանչյուր քաղաքի համար ստացվում էր մեկ օրից քիչ ժամանակ, իսկ մեծ քաղաքի համար դա շատ քիչ է

• ոչ մեկին չեք հարմարվում, կազմում եք ձեր սեփական ճանապարհորդության պլանը։

Եթե նորից գնայի, ամեն ինչ ինքս կկազմակերպեի։ Ավելի լավ է հիմա նյարդեր ծախսել, իսկ հետո հանգիստ ճանապարհորդել եւ վայելել։

Լոս Անջելեսը մեծ քաղաքներից էր։ Մենք նույնիսկ դրա 1/4 մասը չենք անցել։ Ճանապարհը շատ ժամանակ է խլում, ուստի հնարավորինս շատ ժամանակ հատկացրեք եւ լավ զվարճացեք։ Ես ավելի քան վստահ եմ, որ Լոս Անջելեսում տեսնելու բան կա։

Լաս Վեգասը ինձ ընդհանրապես չգրավեց։ Իմ կարծիքով, դրա համար մեկ օրն ավելի քան բավարար է։ Գլխավոր փողոցը՝ «Strip»-ը, միակ բանն է, որ կարելի է նայել։ Իսկ հյուրանոցներից ու խաղատներից բացի, ուրիշ ոչինչ չեք տեսնի։ Եթե դուք մոլախաղերի սիրահար եք, ապա այն ձեզ կհամապատասխանի, քանի որ խաղատները այնտեղ ամեն քայլափոխի են։

Եվ ամենագլխավոր գործոնը, որ ինձ հետ մղեց, կլիման է։ Ամռանը տապ է, ջերմաստիճանը 40 աստիճանից բարձր է։ Միակ ժամանակը, երբ կարելի է զբոսնել, գիշերն է։

Այն ինձ անհոգի թվաց, շուրջբոլորը անբարոյականություն է, հարբած տղամարդիկ, որոնք փորձում են իրենց զոհին գտնել՝ լիքն են։ Եթե ձեզ դուր է գալիս նման մթնոլորտը, ապա վազեք Լաս Վեգաս։

Կա եւս մեկ վայր, որի մասին նախկինում չէի հիշատակել։ Մի վայր, որտեղ կարող եք փորձել ձեր ադրենալինը՝ «Six Flags»։ Քանի որ ես պաշտում եմ ամերիկյան սլաքները եւ նմանատիպ զվարճանքները, ես չէի կարող չգնալ այնտեղ, հակառակ դեպքում ինքս ինձ չէի ների։ Six Flags-ը դրախտ է ինչպես մեծահասակի, այնպես էլ երեխայի համար։ Այս զվարճանքների այգին կա Ամերիկայի շատ նահանգներում։ Ես գնացի այն մեկին, որն ինձ ավելի մոտ էր։ Հավատացեք, այսքան հույզեր մեկ անգամից դուք ոչ մի տեղ չեք զգա, ուստի խորհուրդ եմ տալիս անպայման գնալ եւ տեսնել դա ձեր աչքերով։