Բարսելոնա, Փարիզ, Ստոկհոլմ, Հելսինկի, Լոնդոն, Ռեյկյավիկ, Վիեննա, Նյու Յորք, Մայամի, Բոստոն, Վաշինգտոն, Ամստերդամ, Բրյուսել, Սան Ֆրանցիսկո, Լոս Անջելես. սրանք այն խոշոր քաղաքներն են, որոնք ես արդեն այցելել եմ, եւ գիտե՞ք ինչ. ես գտա իմ ֆավորիտին: Սա այն դեպքն է, երբ քաղաքն իսկապես արժանիորեն ունի հսկայական ժողովրդականություն ամբողջ աշխարհում: Լոս Անջելեսը եզակի քաղաք է: Ես լուրջ եմ ասում: Հսկայական մեգապոլիս՝ բոլորովին տարբեր թաղամասերով: Իսկ ո՞րն է ամենահիշարժանը:

Իհարկե, հենց նույն Հոլիվուդը: Հենց այստեղ են ծնվել ամենահայտնի կինոստուդիաները, հենց այստեղ՝ «Kodak» թատրոնում է տեղի ունենում Օսկարի մրցանակաբաշխությունը, այստեղ է աստղերի ծառուղին, այստեղ ամեն ինչ վառ գույների մեջ է՝ ինչպես ֆիլմերում եւ տեսախաղերում: Ի դեպ, առաջին ֆիլմը, որն ամբողջությամբ նկարահանվել է Հոլիվուդում, 1910 թվականի «In Old California» կարճամետրաժ ֆիլմն է: Մի խոսքով՝ գումար ծախսեք տպավորությունների վրա: