Հարավային Աֆրիկան պետություն է Աֆրիկայի հարավում։ Հյուսիս-արեւմուտքում սահմանակից է Նամիբիային, հյուսիսում՝ Բոտսվանային եւ Զիմբաբվեին, արեւելքում՝ Մոզամբիկին եւ Էսվատինիին, երկրի արեւելյան մասում անկլավի տեսքով տեղակայված է Լեսոթոյի թագավորությունը։ Արեւելքում եւ հարավում ողողվում է Հնդկական օվկիանոսով, արեւմուտքում՝ Ատլանտյան օվկիանոսով։ Ընդհանուր տարածքը 1,22 միլիոն քառակուսի կիլոմետր է։
Հարավային Աֆրիկան ապշեցուցիչ հակադրությունների, զարմանալի հրաշքների եւ հարուստ վայրի բնության երկիր է, որը հարբեցնում է իր գեղեցկությամբ։ Սա իսկապես մի ամբողջ աշխարհ է մեկ երկրի մեջ, որի սահմանները շրջանակում են լանդշաֆտների բացառիկ բազմազանություն՝ արեւելյան բարձրավանդակի մերձարեւադարձային անտառների հյութալի մշտադալար թփուտներից մինչեւ արեւմուտքի չորային անապատներ, վեհաշուք լեռնագագաթներից մինչեւ արեւով ողողված եւ կանաչի ու ոսկու մեջ թաղված ափամերձ շրջաններ։
