Լաս Վեգասը մոլեխաղերի, կազինոների եւ փող կորցնելու քաղաք է։ Ես երբեք ոչ մի տեղ չեմ տեսել այսքան շատ կազինո եւ մոլեխաղերով տարված մարդկանց։ Ինչպե՞ս կարելի է լինել Լաս Վեգասում եւ մեկ դոլար չգցել ավտոմատի մեջ, չէ՞ որ այդ դեպքում դու չես եղել այդ քաղաքում։ Ես 1$ գցեցի եւ շահեցի 1,19$։ Ես գիտեի, որ այս քաղաքը կառուցված է անապատում, բայց չէի մտածում, որ այնտեղ այդքան շոգ է, այս քաղաքում պետք է զբոսնել միայն երեկոյան։ Այս քաղաքը հիշվեց իր կենտրոնով։ Այն ներառել է աշխարհի բոլոր ամենահայտնի ճարտարապետական կոթողները։ Լինելով այս քաղաքում՝ կարելի է նույնիսկ չգնալ այլ քաղաքներ։ Օրինակ՝ ես այնտեղ տեսա Էյֆելյան աշտարակը, դրա վրա նույնիսկ կարելի է բարձրանալ։ Եգիպտոսը, Վենետիկը, Նյու Յորքը եւ բազմաթիվ այլ քաղաքներ տեղակայված են մեկ Լաս Վեգասում։ Սա շատ ժամանակ է խնայում։