ჩვენს დროში მომავლის გამოსაკვლევად სულაც არ არის აუცილებელი იყო წინასწარმეტყველი, როგორიც თავის დროზე იყვნენ ყველასთვის ცნობილი ნოსტრადამუსი და კეისი. ამისთვის არც ის არის აუცილებელი, რომ დაბადებიდან გქონდეს რაიმე ზებუნებრივი შესაძლებლობები. მომავალი, თავისი ბუნებიდან გამომდინარე, თავად უხსნის ადამიანებს თავის საიდუმლოებებს, როდესაც დგება ისტორიული განვითარების გარკვეული პერიოდი.
ჩემი წარმოდგენით, კაცობრიობის განვითარება უახლოეს 20 წელიწადში დიდწილად განისაზღვრება პლანეტაზე ვითარების გამწვავებით 2010-2029 წლებში. ეს პერიოდი იქნება მასშტაბური ბუნებრივი კატაკლიზმების დრო მიწისძვრების, ქარიშხლების, ცუნამების, ტაიფუნებისა და გვალვების სახით. გლობალური დათბობის პროცესები გამოიწვევს ანტარქტიდის ყინულის საფარის დაჩქარებულ დნობას იმდენად, რომ ჩრდილოეთ ევრაზიისა და ორივე ამერიკის ოკეანის სანაპიროების მრავალი ტერიტორია წყლის ქვეშ აღმოჩნდება. 2030 წელს ანტარქტიდის კლიმატი დაემსგავსება თანამედროვე შვედეთის ან ნორვეგიის კლიმატს. კონტინენტის დასახლებას თანდათან დაიწყებენ აფრიკიდან, ამერიკიდან და აზიიდან ჩამოსული ხალხები. მსოფლიო დაზარალდება დიდი სოციალური რყევებისგან, რომლებიც მძლავრი ტალღით გადაივლის ბევრ განვითარებულ ქვეყანაში. აფრიკის, სამხრეთ ამერიკის, სამხრეთ-აღმოსავლეთ აზიის ქვეყნებს ელით ახალი ვირუსული ინფექციების ეპიდემიები, სიკვდილიანობის ზრდა. მაგრამ სწორედ ეს მოვლენები გახდება ბიძგი საზოგადოების ტექნოლოგიური განვითარების დაჩქარებისთვის, იაფი ენერგიის ახალი წყაროების აღმოჩენისა და „ოქროს მილიარდის“ იდეის აღზევებისთვის.
2019 წლიდან ახლო კოსმოსში დაიწყება სამრეწველო კომპლექსების მშენებლობა მზის გამოსხივებისგან მიღებული ელექტროენერგიის წარმოებისა და დედამიწაზე უსადენოდ გადაცემისთვის. დაიწყება მთვარის სამრეწველო ათვისება.
ეს წლები იქნება კაცობრიობის მიერ სამყაროს ათვისების ახალი ტექნოლოგიების აღმოჩენის წლები. შეიქმნება ტელეპათიური ქსელი. ყოველგვარი მოცულობითი სპეციალური მოწყობილობების გარეშე, მხოლოდ კანქვეშ ჩანერგილი სპეციალური ჩიპების დახმარებით, ადამიანი შეძლებს დაუკავშირდეს პლანეტის ნებისმიერ მცხოვრებს („51“-ე განყოფილების დამუშავება), მთვარესა და დედამიწის მახლობელ სამრეწველო-ორბიტალურ კომპლექსებს, ასევე დაუკავშირდეს კაცობრიობის ნებისმიერ საინფორმაციო რესურსს. „ოქროს მილიარდის“ ცენტრში კლიენტების მოსაზიდად ჰიპნოზის მეთოდების გამოყენებით, ყველას მიეცემა შესაძლებლობა განახორციელოს მოგზაურობა თავის წარსულ ან მომავალ ცხოვრებაში. და მას გადაერქმევა სივრცულ-დროითი გაცვლის ცენტრი (სდგც).
მომდევნო წლებში კაცობრიობა თავის ძირითად ძალისხმევას მიმართავს გალაქტიკაში სიცოცხლის განვითარებისთვის ვარგისი ყველა პლანეტის კოლონიზაციისკენ. ამ პლანეტების გარშემო შეიქმნება ნოოსფეროები - ადამიანებისა და გონიერი ცხოველების მეხსიერების მრავალშრიანი ბანკები. ისინი გახდებიან ციური სხეულების შემდგომი ტექნოლოგიური ათვისების საფუძველი: მათზე დედამიწის მსგავსი ბუნებრივი პირობების რეპროდუქცია. „შორეული პლანეტების შორეულ ბილიკებზე“ ივლიან ფიზიკურ სხეულში გაცოცხლებული, ოდესღაც გარდაცვლილი დედამიწელები (მათ შორის ჩვენც). ამავდროულად, ადამიანი დაიწყებს მოგზაურობას სივრცე-დროის სხვა განზომილებებსა და პარალელურ სამყაროებში, შეისწავლის მათ და მოარგებს თავის შემოქმედებით და შემეცნებით მოთხოვნილებებს. წარსულსა და მომავალში მოგზაურობები სდგც-ის დახმარებით ჩვეულებრივი მოვლენები გახდება. მათ შესაძლებლობას უზრუნველყოფს გრავიტაციასთან და „შავ ხვრელებთან“ ექსპერიმენტები. წარსულიდან მიღებული იქნება სრული ინფორმაცია ყველა იმ ადამიანის შესახებ, ვინც ოდესღაც ცხოვრობდა დედამიწაზე.
გმადლობთ დახარჯული დროისთვის, იმედია მოგეწონათ ჩემი წარმოდგენა!!!:)
