მათთვის, ვინც არ იცის, ნიუ-იორკიდან ბოსტონამდე ჩასვლა სულ რაღაც 15 დოლარად შეიძლება, თუ ჩვეულებრივი Greyhound-ის ავტობუსის ნაცვლად ჩინური კომპანიის ავტობუსს აირჩევთ. კომფორტი იგივეა, მგზავრობის დრო კი უფრო ნაკლებიც, მაგრამ ყველაზე მთავარი - ფასია. თანაც, კომპანია Lucky Bus ამავე მარშრუტს სულ რაღაც 1 დოლარად გვთავაზობს, მართალია, მხოლოდ ერთხელ და მხოლოდ იმ შემთხვევაში, თუ ბილეთს ინტერნეტით შეიძენთ!

ბოსტონი შეერთებული შტატების ყველაზე მაგარი ქალაქია. ის ლამაზი, თვალწარმტაცი, ძალიან ისტორიული, სულიერი, თანამედროვე და დინამიურია. მე შეყვარებული ვარ ამ ქალაქზე და უბრალოდ არ შემიძლია მისი გაკრიტიკება. ჩემი აზრით, ეს სტუდენტისთვის იდეალური ადგილია. პირველ რიგში, ეს აშშ-ის ყველაზე ძველი დიდი ქალაქია, დაარსებული ჯერ კიდევ XVII საუკუნეში, ისტორიის სურნელი აქ ყველგან ტრიალებს - ვიწრო ქვაფენილიანი ქუჩები, ძველი აგურის სახლები, სამლოცველოები და ეკლესიები, რომელთაგან აქ ათასობითაა, კაფეები, რესტორნები, ტავერნები... ეს ყველაფერი ბოსტონია. ამ ყველაფრის მიუხედავად, ბოსტონი ძალიან თანამედროვე და დინამიური ქალაქია, და ახალგაზრდობას მას სტუდენტები სძენენ. რომელთა რაოდენობა აქ 600 ათასს აღწევს. უნივერსიტეტების სია შთამბეჭდავად გამოიყურება: ჰარვარდი, MIT, Boston University, Suffolk University... - ყველა მსოფლიო უმაღლესი განათლების ლიდერია.

სტუდენტებთან და უნივერსიტეტებთან ერთად არსებობს მთლიანი საუნივერსიტეტო უბნები, სადაც საცხოვრებელს მხოლოდ სტუდენტები ქირაობენ. ერთ-ერთი ასეთია Allston. ყოველ საღამოს - დაუსრულებელი წვეულებები და ფართები, ყოველ დილით - გაზონზე მდგარი დივნები და სავარძლები, რომლებზეც მძინარე "გვამებია", ნაგვის გროვები, ემოციები და აღტაცება. ზუსტად ასე, როგორც ცნობილ სტუდენტურ ფილმებში, ატარებენ თავიანთ ხანგრძლივ, მაგრამ მხიარულ 4 წელს ამერიკელი სტუდენტები.

ბოსტონში სულ რაღაც 8 საათის გატარებით ჩვენ დავაგროვეთ შთაბეჭდილებები დიდი ხნით წინ და გადავიღეთ დაახლოებით 1000 ფოტოსურათი, უკვე მოსაწყენიც გახდა. სევდიანი იყო იმის წარმოდგენა, რომ ჩვენი ოფერები აქედან სულ რაღაც 3 საათის სავალზე იყო, მეინის შტატის ატლანტის ოკეანის სანაპიროზე მდებარე პატარა საკურორტო ქალაქში! რომელიც ჩვენ მიყრუებულ სოფლად წარმოგვედგინა)