როდესაც ყველა ხელშეკრულება უკვე ხელმოწერილი იყო, ფული გადახდილი, კონსულთან გასაუბრება გავლილი და სესია ჩაბარებული, მე და ჩემს მეგობარს, ასელს, მხოლოდ საჭირო ნივთების ჩალაგება და ჩვენთვის აქამდე უცნობი ქვეყნისკენ, ამერიკისკენ გაემგზავრებაღა დაგვრჩენოდა! თავიდან ერთი დღე მატარებლით ალმათამდე, იქ აეროპორტში უძილო ღამის გატარება მოგვიწია... დილის 5 საათისთვის რეგისტრაცია დაიწყო და დაახლოებით 5:50-ზე უკვე თვითმფრინავში ვიჯექი და მოახლოებულ ფრენას მოუთმენლად ველოდი... რადგან ეს ჩემი პირველი ფრენა იყო, ცოტა ვნერვიულობდი და ვკანკალებდი კიდეც... თუმცა, ალბათ, უფრო სიცივისგან ვკანკალებდი, რადგან მოკლე შორტები და მაისური მეცვა) ყველაზე საშინელი ის არის, როცა თვითმფრინავი აფრენას იწყებს... გგონია, რომ გჭყლეტენ და ყველაფერი ქვემოთ მიდის... 5 საათი მოსკოვამდე, იქიდან გადაჯდომა სხვა თვითმფრინავზე, რომელსაც პირდაპირ ნიუ-იორკში უნდა ჩავეყვანეთ... მაგრამ დანიშნულების ადგილამდე მისასვლელად კიდევ 9 საათი უნდა გაგვეძლო... თვითმფრინავში ძილი უჩვეულოობის გამო შეუძლებელი იყო, რადგან ყურები მუდმივად მიგუბდებოდა, ფეხები მეყინებოდა და ზურგი მტკიოდა... მაგრამ რაღაცნაირად მაინც მოვახერხე ცოტა ძილი და მზად ვიყავი ჩემი ოცნების ქალაქთან, ნიუ-იორკთან შესახვედრად!