ჩაინათაუნში დაბრუნებულმა საყვედური მივიღე იმის გამო, რომ ამდენ ხანს არ ვიყავი და არც კი შევატყობინე.

თვითმფრინავი საღამოს 8 საათზე მიფრინავდა და კიდევ მთელი დღე მქონდა ამერიკასთან გამოსამშვიდობებლად. ამ საათების განმავლობაში საბოლოოდ დავტკბი Central park-ის სილამაზით, შევჭამე რამდენიმე გამოსამშვიდობებელი ჰამბურგერი, ვიყიდე ცოტაოდენი ტანსაცმელი და ადგილობრივ მოსახლეობას ვესაუბრე.

თვითმფრინავში ჩაჯდომისას არანაირი სევდა არ მიგრძვნია, რადგან ვიცოდი, რომ ეს უკვე გავლილი ეტაპია და წინ კიდევ ბევრი საინტერესო რამ მელოდება.

მადლობა, ამერიკა, ერთად გატარებული ამ 4 თვისთვის. ისინი შეუდარებელი იყო =)