პასპორტი

პროგრამაზე რეგისტრაციისას უნდა წარმოადგინოთ პასპორტის ასლი, რომელიც ძალაში იქნება პროგრამის დასრულებიდან სულ მცირე 6 თვის განმავლობაში. ეს მნიშვნელოვანია, რადგან თქვენი პასპორტი ძალაში უნდა იყოს არა მხოლოდ აშშ-ში მუშაობისა და მოგზაურობის პერიოდში, არამედ მის შემდეგაც, რათა დააკმაყოფილოთ სავიზო მოთხოვნები. თუმცა, თუ რეგისტრაციის დროს ჯერ არ გაქვთ პასპორტი ან ის გაცემის პროცესშია, ნუ ინერვიულებთ. თქვენ გექნებათ საკმარისი დრო პასპორტის მისაღებად და მისი ასლის მოგვიანებით წარსადგენად. პროგრამის სპონსორი მიიღებს თქვენს ფორმას პასპორტის გარეშე და დაიწყებს საბუთების გაფორმებასა და დამსაქმებელთან შეთანხმების/ვერიფიკაციის პროცესს. მაგრამ მნიშვნელოვანია გახსოვდეთ, რომ ვიზისთვის საჭირო DS-2019 ფორმას სპონსორი არ გასცემს მანამ, სანამ არ მიიღებს თქვენი პასპორტის ასლს. როგორც კი მიიღებთ პასპორტს, აუცილებლად გაუგზავნეთ მისი ასლი პროგრამის კოორდინატორს რაც შეიძლება მალე, რათა სპონსორმა შეძლოს DS-2019 ფორმის საბოლოო გაფორმება და გაცემა. მნიშვნელოვანია: პასპორტის მიღების შემდეგ, დარწმუნდით, რომ სააპლიკაციო ფორმაში მითითებული გვარი და სახელი ემთხვევა თქვენს პასპორტში არსებულ მონაცემებს. თუ შეუსაბამობებს აღმოაჩენთ, აცნობეთ პროგრამის კოორდინატორს პასპორტის ასლის გაგზავნამდე. წინააღმდეგ შემთხვევაში, DS-2019 ფორმა გაიცემა არასწორი მონაცემებით და თქვენ მოგიწევთ ჯარიმის გადახდა მისი ხელახალი გაცემისთვის.