მაიამი. ოჰ... რა პლაჟებია იქ. ძირითადად ფეხით დავდიოდით და დღეში დაახლოებით 17 კმ-ს გავდიოდით. ჩვენი სასტუმრო მდებარეობდა ჩრდილოეთ მაიამიში და ღირსშესანიშნაობებამდე მისასვლელად ტაქსს ვიძახებდით. აი, კიდევ ერთი ლაიფჰაკი: ჩამოტვირთეთ ისეთი აპლიკაციები, როგორიცაა Luft ან Uber, და პირველ მგზავრობას უფასოდ მიიღებთ, გარდა ამისა, ჩვენს სასტუმროში იყო ბარათები პრომო კოდებით, რომელთა შეყვანისას თქვენ იღებთ ფასდაკლებებს პირველ 5 მგზავრობაზე.

ჩვენ მოვინახულეთ დაუნთაუნი, ვინვუდის რაიონი და, რა თქმა უნდა, ვიშოპინგეთ ლინკოლნ როუდზე.

ეს იყო მშვენიერი დღეები. მაგრამ თავგადასავლების გარეშე არ შეგვიძლია და ნიუ-იორკში ჩვენი გაფრენის დღეს გავიგეთ, რომ ჩვენი ერთი თვით ადრე დაჯავშნილი საცხოვრებელი მოულოდნელად გაუქმდა. და უკვე ტრადიციულად, ნიუ-იორკში ისე მივფრინავდით, რომ არ ვიცოდით, სად გავათევდით ღამეს. ნიუ-იორკში დღის ორ საათზე ჩაფრენილებმა, მხოლოდ საღამოს ათ საათზე ვიპოვეთ მასპინძელი. უდიდესი მადლობა ქაუჩსერფერ ბიჭებს, რომლებმაც მიგვიღეს!

ნიუ-იორკი, ამჯერად კიდევ უფრო შემიყვარდა. შენობების, კულტურებისა და ადამიანების ამ მთლიანმა კონტრასტმა ჩემზე წარუშლელი შთაბეჭდილება მოახდინა. ჩვენ ვნახეთ თავისუფლების ქანდაკება, გავისეირნეთ ცენტრალურ პარკში, ფაქტობრივად ფეხით შემოვიარეთ მთელი მანჰეტენი, ვიმგზავრეთ საბაგირო ტრამვაით, ვიყავით რუზველტის კუნძულზე და, რა თქმა უნდა, არ დაგვრჩენია ყურადღების მიღმა Time Square.

როგორ არის ჩემი ამერიკა? მე ის ჯერ ბოლომდე არ აღმომიჩენია.

მადლობა Work and Travel პროგრამას და IEC-ს ამ დაუვიწყარი ზაფხულისთვის, ახალი ნაცნობობისთვის, საზღვრების გაფართოებისთვის.

თუ ჯერ კიდევ ფიქრობთ, უბრალოდ გადაწყვიტეთ და აღმოაჩინეთ თქვენი ამერიკა.

მე კი წავალ და დავგეგმავ ჩემს 2019 წლის Work and Travel ზაფხულის ტრიპს.