პირველ რიგში, IT სფერო, როგორც უკვე ვთქვი, ჩემი სპეციალიზაცია ბევრად უკეთ არის განვითარებული სხვა ქვეყნებში, ვიდრე ჩვენთან. იმედი მაქვს, აქ მიღებულ ცოდნას ამერიკაში დავხვეწ. მუშაობის გარდა, იქ ჩემი სპეციალობის შესწავლასაც შევძლებ, რაც შეუცვლელი გამოცდილება იქნება.

მეორე, ახალი ნაცნობები და კომუნიკაცია. მინდა წარმატებული ვიყო და სწორედ ამისთვისაა საჭირო ახალი ნაცნობები და კავშირები. ალბათ გსმენიათ ფრაზა: „თუ 5 მდიდარ ადამიანთან იმეგობრებ, მეექვსე შენ გახდები“. არავისთვისაა ახალი, რომ შენი გარემოცვა განსაზღვრავს, ვინ იქნები შენ. ადამიანები ცვლიან ერთმანეთს და სხვა ქვეყანაში ახალი კომუნიკაციისა და ნაცნობების პოვნის იმედი მაქვს, თანაც არა მხოლოდ საქმიანი კუთხით – შესაძლოა, ახალი ნაცნობობა მყარ მეგობრობაში გადაიზარდოს. წარმოიდგინეთ, ზიხართ ერთად მანჰეტენის პარკში თქვენი მესამე Work and Travel USA-ის დროს და იხსენებთ თქვენს პირველ გამოცდილებას.

მესამე, მე ამას დამოუკიდებლად ცხოვრების სწავლის შესანიშნავ საშუალებად მივიჩნევ. ეს საშუალებას მომცემს, გამოვიდე კომფორტის ზონიდან და შევქმნა ახალი, ანუ დავიწყო ცხოვრება საკუთარი წესებითა და ნორმებით და უბრალოდ, გამოვიწვიო საკუთარი თავი.

მეოთხე, რა თქმა უნდა, მოგზაურობა. ახალი ქვეყანა, ახალი კულტურა, ახალი ნაცნობები, ყველაფერი ახალია. ეს არის შანსი, ნახო სამყარო, გაეცნო სხვა ქვეყნის კულტურას, დაინახო მისი მცხოვრებლები, ესაუბრო მათ და შეიძინო ახალი ცოდნა. თავად ქვეყანა რად ღირს – თავისუფლების ქანდაკება, დიდების ხეივანი, ფილმებიდან ნაცნობი ქალაქები: ნიუ-იორკი, ლოს-ანჯელესი, ლას-ვეგასი და კიდევ უამრავი ასეთი ქალაქი. ამ უპირატესობებზე საუბარი დაუსრულებლად შეიძლება, მაგრამ უკეთესია, საკუთარი თვალით ნახო. ეს შთაბეჭდილებები მთელი ცხოვრება გაგყვებათ და დაუვიწყარ ემოციებს გაჩუქებთ.

თავად Work and Travel USA პროგრამა იდეალური ჩანს, მაგრამ როგორც ყველას უყვარს თქმა, არაფერია იდეალური. მე რომ ამ პროგრამის ხელმძღვანელი ვიყო, კიდევ უფრო მეტ ქვეყანას და ქალაქს დავამატებდი. წარმოიდგინეთ, პროგრამა, რომლითაც შეგიძლია წახვიდე და იმუშაო ნებისმიერ ადგილას – განა ოცნება არ არის? ადამიანებს შეეძლებათ წავიდნენ ევროპაში, ამერიკაში, ავსტრალიაში, აფრიკასა და მსოფლიოს სხვა ქვეყნებში. ასევე, დავამატებდი ქვეყნებისა და ქალაქების იმავე ჩამონათვალს ნაკლებად პოპულარული Study and Work პროგრამისთვის, ანუ ყველას შეეძლება ისწავლოს სხვა ქვეყნებსა და მსოფლიოს უნივერსიტეტებში. და რა თქმა უნდა, პროგრამა რომ ყველა ასაკისთვის იყოს ხელმისაწვდომი, გონივრულ ფარგლებში, მაშინ ის იდეალური იქნებოდა. მსოფლიოს გარშემო ამდენი ადამიანი იმოგზაურებს, იშოვის ფულს, აიხდენს ოცნებებს, იფრენს სხვადასხვა ქვეყანაში. სწორედ ასე წარმოვიდგენ ამ პროგრამის მომავალს, რა თქმა უნდა, არა ასეთი მასშტაბებით. ყოველწლიურად პროგრამაში მონაწილეთა რიცხვი იზრდება, ისევე როგორც დაინტერესებულთა რაოდენობა, ასე რომ კომპანია გაიზრდება და ალბათ 30-50 წელიწადში ნამდვილად მიაღწევს ასეთ სიმაღლეებს.

და როგორ უნდა გაუშვა ხელიდან ისეთი შანსი, როგორიც კონკურსია? ვერ ჩავუარე გვერდი და ვიფიქრე, ბედი მეცადა. თუ სხვებს უმართლებთ, მე რატომ არ უნდა გამიმართლოს? მადლობა IEC-ს ასეთი შანსისთვის!!