28 აგვისტოს წერილი.

გამგზავნი: ანასტასია ლებედევა, დალასი, ტეხასი მიმღები: იულია კედა, ყაზახეთი

როგორ გადავრჩეთ მკვლელი კოღოებისგან.

გამარჯობა, იულკა! ვერ დაიჯერებ, რა გადაგვხდა! დღეს ნიუ-ორლეანის ქუჩებში უნდა გვეხეტიალა, მაგრამ guess what, ჩვენ ჯერ კიდევ დალასში ვართ. და რატომ? თავიდან დავიწყებ.

ნორა ძალიან სტუმართმოყვარე, ენერგიული და საინტერესო პიროვნება აღმოჩნდა. ცხოვრობს ტბასთან ახლოს, წყნარ უბანში. ჰყავს ორი ძაღლი – ბიჭი დერბი და გოგო მეიბლი, რომელთა თავიდან ჩვენ გვეშინოდა. ნორა თავგადასავლების მოყვარული მოგზაურია. ნამყოფია მექსიკაში, იტალიაში, ჩინეთში, საფრანგეთში. აპირებს არგენტინასა და სხვა ქვეყნებში გამგზავრებას. თავისუფალ დროს დადის ბუდისტურ ტაძარში, იოგაზე, დაკავებულია კლდეზე ცოცვითა და კაიაკინგით. ასევე უკრავს გიტარაზე და უყვარს მოგზაურობის შესახებ გადაცემების ყურება. უსმენს ბლუზსა და ქანთრის. აი, ასეთი მინი-დოსიე.

სულ რაღაც რამდენიმე დღეში მან მთელი დალასი გვაჩვენა! ვიყავით ნამდვილ ამერიკულ სასადილოებში, მოვისმინეთ ბუდისტი ბერების გალობა, ვიყავით კინოში და არც მუზეუმები დაგვიტოვებია უყურადღებოდ! ვისწავლეთ რამდენიმე სიტყვა ტაილანდურად. მაგალითად, მისალმება „სავატიკა“. და დავაგემოვნეთ ტაილანდური კერძები.

ვიყავით ტბასთან, გადავიღეთ ფოტოები. ვნახეთ ჯორჯ ბუშის სახლი. ყოველ შემთხვევაში, ადგილობრივები ასე ამბობენ, თუმცა იქ ჯერ არავის უნახავს. თავიდან ტბასთან წასვლის გვეშინოდა კოღოების გამო – სასიკვდილო ვირუსის გადამტანების. ჩავიცვით ჰუდები, კედები და ჯინსები. ყველა გვეკითხება: საიდან ხართო? ჩვენ კი: ფლორიდიდან – მზიანი შტატიდანო.

ახლა კი ყველაზე მთავარის შესახებ: Linkin Park იყო AWESOME. დიახ, ჩვენ მათ კონცერტზე ვიყავით! ჩესტერი რამდენიმე მეტრში მღერის, ყვირის! სიმღერები იყო როგორც ახალი, ისე ძველი, რასაც საერთოდ ვერ წარმოვიდგენდით. ყველა აყოლებს, ჩვენ კი უფრო ხმამაღლა! Craaaaaaaaaaaawling iiiiiiiiiiiin my skiiiiiiiiiiiiiiiiin! These wooooooooooooooooounds, they wiiiiiiiil not heeeeeeeeeeeeaaaaaaal!!!!!!!! ფოტოები არც ისე ცუდი გამოვიდა, ვიდეოებიც. ადრე ვერც წარმოვიდგენდით, რომ Linkin Park-ის კონცერტზე მოვხვდებოდით! საოცარია! ამდენი დადებითი ემოცია! ცოცხალი ხმა! მაგრად გავერთეთ! როკ-ენ-როლი!

ნათელი იმედებით აღსავსე, დადებითი ემოციებით დამუხტულები, ნორასთან ერთად წავედით Greyhound-ის სადგურზე. გვქონდა ღამის 3 საათის ბილეთები. თბილად დავემშვიდობეთ ჩვენს ახალ ტეხასელ მეგობარს, წავიხემსეთ და ვაპირებდით ჩემოდნის რეგისტრაციას. უცებ აღმოჩნდა, რომ ჩვენი ავტობუსი ნიუ-ორლეანის მიმართულებით გაუქმებულია! შოკი. მიზეზი იყო მოახლოებული ქარიშხალი Isaac.

მოგვიწია ნორასთან კიდევ ერთი ღამით დარჩენა. იმედია, შემდეგი ავტობუსით წავალთ. მოგწერთ, როგორც კი ნიუ-ორლეანში ჩავალთ! წარმატებები! ადიოს!