ერთხელ დასვენების დღე მქონდა. გადავწყვიტე დრო ფუჭად არ დამეკარგა და Albany-ში წავსულიყავი მათ სკეიტშოპში, კედები და სკეიტბორდი მეყიდა. ზუსტად გასვლის წინ წვიმა დაიწყო, გული დამწყდა. სანამ მივდიოდით, წვიმა საერთოდ არ წყდებოდა და, ჯანდაბა, უფრო ძლიერდებოდა. როგორც კი ავტობუსიდან ჩამოვედი, მზე გამოვიდა და წვიმა შეწყდა, მაგარია. #მეამქვეყანასვუყვარვარ

მივდივარ Albany-ში, Madison Ave-ზე. მაცვია Hendrix-ის მაისური და ყურსასმენებშიც ის უკრავს. შემხვდა აფროამერიკელი, დაახლოებით 50 წლის, ნორმალური წვერით. გვერდით ჩავუარე და კუთხით შევამჩნიე, რომ ჩემსკენ მობრუნდა და რაღაცას ამბობს. ყურსასმენი გამოვიღე და მესმის: Where did you get this Hendrix t-shirt? ავუხსენი, რომ Lake George-ში არის ერთი პატარა მაღაზია. ვუთხარი, რომ Hendrix მიყვარს, ახლაც ყურსასმენებში ის უკრავს-მეთქი და ერთი ყურსასმენი მივაწოდე მოსასმენად. ყურადღებით მოუსმინა და თქვა: yeeah, that’s Jimmy! გავიცინეთ, ხელი ჩამოვართვით და ჩვენ-ჩვენს გზას გავუდექით. #მეამქვეყანასვუყვარვარ(2)

მივედი სკეიტშოპში, იქ ძალიან მოსაუბრე და კეთილი გამყიდველი დამხვდა, დამეხმარა ყველაფერი ზომის მიხედვით ამერჩია. ვიყიდე სკეიტბორდი და Converse-ის სკეიტერული კედები სულ რაღაც 200$-ად. Baker, Girl და ა.შ. დაფები - ყველაფერი 50$-ად, ნაჟდაკით. #მეამქვეყანასვუყვარვარ(3)